മലപ്പുറം-പൂക്കോട്ടൂര് അറവങ്കരയില് കാര് നിയന്ത്രണം വിട്ട് വീടിന്റെ മതിലില് ഇടിച്ചു മറിഞ്ഞ് മൂന്നുപേര് മരിച്ചു. മോങ്ങം ആനക്കച്ചേരി സ്വദേശി ബീരാന് കുട്ടിയുടെ മകന് ഉനൈസ്, കൊണ്ടോട്ടി സ്വദേശി അഹമദ് കുട്ടിയുടെ മകന് സനൂപ്, മൊറയൂര് കുറുങ്ങാടന് സ്വദേശി അബ്ദുല് റസാഖിന്റെ മകന് ഷിഹാബുദ്ധീന് എന്നിവരാണു മരിച്ചത്. മൃതദേഹങ്ങള് മഞ്ചേരി മെഡിക്കല് കോളജ് മോര്ച്ചറിയില് സൂക്ഷിച്ചിരിക്കുന്നു
പുലര്ച്ചെ 2.45 നായിരുന്നു അപകടം. കാര് പൂര്ണമായും തകര്ന്നു. കാര് വെട്ടിപ്പൊളിച്ചാണ് അപകടത്തില്പ്പെട്ടവരെ പുറത്തെടുത്തത്. ഫയര്ഫോഴ്സും പോലിസും നാട്ടുകാരും ചേര്ന്നാണു രക്ഷാപ്രവര്ത്തനം നടത്തിയത്. മൃതദേഹങ്ങള് മഞ്ചേരി മെഡിക്കല് കോളേജ് ആശുപത്രി മോര്ച്ചറിയില്.
