തല അജിത്ത് കുമാറിന്റെ ഇന്ന് റിലീസ് ചെയ്ത വിശ്വാസം സിനിമ കാണാന് ടിക്കറ്റിന് പണം നല്കിയില്ലെന്നാരോപിച്ച് മകന് അച്ഛനെ തീ കൊളുത്തി കൊലപ്പെടുത്താന് ശ്രമിച്ചു. തമിഴ്നാട്ടിലെ കാഠ്പാഠിയില് ആണ് സംഭവം. നാല്പ്പത്തഞ്ചുകാരനായ പാണ്ഡ്യനെ മകന് അജിത്ത് കുമാര് ആണ് കൊലപ്പെടുത്താന് ശ്രമിച്ചത്. പൊള്ളലേറ്റ പാണ്ഡ്യന്റെ നില ഗുരുതരമാണ്. സംഭവത്തില് മകന് അജിത്ത് കുമാറിനെ പൊലീസ് അറസ്റ്റ് ചെയ്തു. തമിഴകം കാത്തിരിക്കുന്ന സിനിമയായിരുന്നു വിശ്വാസം. ഇന്നാണ് ചിത്രം റിലീസ് ചെയ്തത്. ആദ്യ ദിനം തന്നെ സിനിമ കാണാന് തമിഴ്നാട്ടില് വന് തിരക്കാണെന്ന് റിപ്പോര്ട്ടുകളുണ്ട് .
