തമിഴിലെ മുന്‍ നായക നടന്‍ അര്‍ജുനെതിരെ വീണ്ടും മീടൂ ആരോപണം. നടി ശ്രുതി ഹരിഹരന്‍ ആണ് ആരോപണവുമായി രംഗത്തെത്തിയത്. നിപുണന്‍ എന്ന സിനിമയുടെ സെറ്റില്‍ വെച്ച് മോശം അനുഭവം ഉണ്ടായി എന്ന് നടി തുറന്നു പറയുന്നു. അര്‍ജുന്‍ തന്നോട് മോശമായി പെരുമാറിയെന്ന് ശ്രുതിനേരത്തെ ആരോപിച്ചിരുന്നു.
'നിപുണന്‍ എന്ന സിനിമയില്‍ അര്‍ജുന്റെ ഭാര്യയുടെ വേഷം ചെയ്തിരുന്നു. ഇന്റിമേറ്റ് സീനുകളില്‍ അയാള്‍ എന്നോട് മോശമായാണ് പെരുമാറിയത്. നേരത്തെ പലര്‍ക്കൊപ്പവും അത്തരം രംഗങ്ങള്‍ ഞാന്‍ ചെയ്തിട്ടുണ്ട്. അപ്പോഴൊന്നും എനിക്ക് ഇങ്ങനെ തോന്നിയിട്ടില്ല. ഈ വ്യക്തിയുടെ ഉദ്ദേശം മോശമാണെന്ന് എനിക്ക് തോന്നി.' ശ്രുതി പറയുന്നു.
'എന്തു കൊണ്ടാണ് ഇപ്പോള്‍ ഇതു പറയുന്നത് എന്തുകൊണ്ട് ഞാന്‍ ഇത് നേരത്തേ പറഞ്ഞില്ല എന്ന് പലരും ചോദിക്കുന്നുണ്ട്. ശരിയാണ് അന്നേ എനിക്ക് പറയാമായിരുന്നു. ഞാന്‍ സംവിധായകനോട് പറയുകയും ചെയ്തിരുന്നു. പക്ഷേ സിനിമയോടുള്ള സ്‌നേഹം കൊണ്ടും ഞാന്‍ കാരണം ഒരു പ്രതിസന്ധി ഉണ്ടാകരുതല്ലോ എന്നോര്‍ത്തും സഹകരിച്ചു ശ്രുതി വ്യക്തമാക്കി. തനിക്കെതിരെയുള്ള മീടൂ ആരോപണത്തെ അര്‍ജുന്‍ നേരത്തെ തള്ളിയിരുന്നു.
