റാസല്ഖൈമ- യു.എ.ഇയില് റാസല്ഖൈമ ഖറാന് റോഡില് മലയാളി കുടുംബം സഞ്ചരിച്ച വാഹനം അപകടത്തില്പെട്ട് യുവതി മരിച്ചു. പാലക്കാട് ഒറ്റപ്പാലം ദീപ്തി നിവാസില് പ്രവീണിന്റെ ഭാര്യ ദിവ്യാ പ്രവീണ്(25) ആണ് മരിച്ചത്. ഞായറാഴ്ച പുലര്ച്ചെ രണ്ടുമണിയോടെയായിരുന്നു അപകടം. ഷാര്ജയില് കുടുംബ സംഗമം കഴിഞ്ഞ് മടങ്ങുകയായിരുന്ന പ്രവീണും കുടുംബവും സഞ്ചരിച്ച വാഹനം വൈദ്യുതി പോസ്റ്റില് ഇടിക്കുകയായിരുന്നു.നീലേശ്വരം പടേന തുയ്യത്ത് ഇല്ലത്ത് ശങ്കരന് ഭട്ടതിരിയുടേയും ജലജയുടേയും മകളാണ് ദിവ്യ. മൂന്ന് വര്ഷമായി യു.എ.ഇയിലുള്ള ഇവര് ആറ് മാസം മുമ്പാണ് റാസല് ഖൈമയില് എത്തിയത്. റാക് പോര്ട്ട് ഹച്ച്സണ് കമ്പനിയില് ഉദ്യോഗസ്ഥനാണ് പ്രവീണ്. രണ്ട് വയസ്സായ ദക്ഷ് ഏക മകനാണ്. റാക് സൈഫ് ആശുപത്രിയില് സൂക്ഷിച്ചിരിക്കുന്ന മൃതദേഹം നടപടിക്രമങ്ങള് പൂര്ത്തിയാക്കി നാട്ടില് കൊണ്ടുപോകാനുള്ള ശ്രമത്തിലാണെന്ന് ഇന്ത്യന് റിലീഫ് കമ്മിറ്റി പ്രതിനിധി പുഷ്പന് ഗോവിന്ദന് പറഞ്ഞു.
