അബുദാബി- പാക്കിസ്ഥാനിൽ നിക്ഷേപമിറക്കാനുളള യു.എ.ഇ തീരുമാനത്തിന് നന്ദി അറിയിച്ച് ഇംറാൻ ഖാൻ. മൂന്ന് ബില്ല്യൺ ഡോളർ പാകിസ്ഥാനിൽ നിക്ഷേപിക്കാനുളള യു.എ.ഇ യുടെ പ്രഖ്യാപനത്തിനാണ് ഇംറാൻ ഖാൻ നന്ദി അറിയിച്ചത്. അബുദാബി ഫണ്ട്് ഫോർ ഡവലപ്‌മെന്റ്്് എന്ന വിദേശ സഹായ ഏജൻസി വഴി ആണ്്് യു.എ.ഇ പാകിസ്താനിലെ വിവിധ വികസന പ്രവർത്തനങ്ങളെ പിന്തുണക്കുന്നത്്്.
തീരുമാന പ്രകാരം, ഈ തുക പാകിസ്ഥാൻ സ്‌റ്റേറ്റ് ബാങ്കിൽ യു.എ.ഇ നിക്ഷേപിക്കും. പാകിസ്ഥാൻ നടപ്പിലാക്കി വരുന്ന സാമ്പത്തിക പരിഷ്‌കാരങ്ങളെയും നയങ്ങളെയും പിന്തുണക്കാനാണ് പുതിയ പ്രഖ്യാപനമെന്ന് യു.എ.ഇ ഔദ്യാഗിക വൃത്തങ്ങൾ അറിയിച്ചു. യു.എ.ഇയുമായി പാക്കിസ്ഥാൻ പുലർത്തുന്ന ചരിത്രപരമായ നയതന്ത്രബന്ധത്തെ ശക്തിപ്പെടുത്താൻ പുതിയ തീരുമാനത്തിന് കഴിയുമെന്ന് ഔദ്യോഗിക പ്രസ്താവനയിലൂടെ യു.എ.ഇ അറിയിച്ചു.
അബുദാബി ഫണ്ട്് ഫോർ ഡവലപ്‌മെന്റ്്് ഇതിന് മുമ്പ് വിവിധ വികസന പ്രവർത്തനങ്ങൾക്കായി യു എ ഇക്ക് സാമ്പത്തിക സഹായം നൽകിയിട്ടുണ്ട്്. നിലവിൽ പ്രഖ്യാപിക്കപ്പെട്ട തുക അടിസ്ഥാന സൗകര്യ വികസനം, ആരോഗ്യം, വിദ്യാഭ്യാസം, ഊർജ്ജോൽപാദനം എന്നീ മേഖലകളിലെ വികസന പ്രവർത്തനങ്ങൾക്കായി വിനിയോഗിക്കും.
