ബിസിനസിലെ സാമ്പത്തിക നഷ്ടം പരിഹരിക്കുന്നതിനായി മുട്ട മോഷടിച്ച വ്യാപാരി ഒടുവില് പിടിയിലായി. മുട്ട മോഷ്ടിച്ച് എന്ത് സാമ്പത്തിക ലാഭം എന്ന് ചിന്തിക്കേണ്ട 5 ലക്ഷം രൂപയുടെ കോഴിമുട്ടയുടെ ലോഡാണ് സാദത്ത് എന്ന വ്യാപാരി തന്ത്രപരമായി മോഷ്ടിച്ചത്.
മുഹമ്മദ് ഷെയ്ഖും മകനായ മുസ്സമ്മിലും ഹൈദരാബാദില് നിന്നും 5 ലക്ഷം രൂപക്ക് 1,41,000 മുട്ടകള് വ്യാപാരത്തിനായി വാങ്ങി ട്രക്കില് താനെയിലേക്ക് കൊണ്ടുപോവുകയായിരുന്നു. വഴിമധ്യേ അമ്പനാഥ്ബദല്പൂര് റോഡിലെ ഗ്രീന് സിറ്റി ടി സര്ക്കിളില് എത്തിയതോടെ നാല്വര് സംഘം ഇരുവരെയും അക്രമിച്ച് വാഹനവുമായി കടക്കുക്കുകയായിരുന്നു.
മുഹമ്മദ് താനെ ക്രൈംബ്രാഞ്ചില് പരാതി നല്കി. ഇതോടെ പൊലീസ് നടത്തിയ അന്വേഷണമാണ് വ്യാപാരിയായ സാദത്തിനെ കുടുക്കിയത്. സാദത്ത് ചിലര്ക്ക് ഹോള്സെയില് വിലയില് മുട്ട വിറ്റതായി പൊലീസിന്റെ അന്വേഷണത്തില് കണ്ടെത്തിയിരുന്നു. ഭീവണ്ടി വാഡ റോഡിലെ ഇയാളുടെ ഗോഡൌണില് പൊലീസ് നടത്തിയ പരിശോധനയില് മോഷ്ടിച്ച മുട്ട കണ്ടെത്തി. സാമ്പത്തിക നഷ്ടം നികത്താനാണ് മോഷണം നടത്തിയത് എന്ന് പ്രതി പൊലീസിനോട് കുറ്റം സമ്മതിച്ചിട്ടുണ്ട്.
