നസ്‌റിയ നിര്‍മിച്ച, അമല്‍ നീരദ് സംവിധാനം ചെയ്ത വരത്തന്‍ കോടതിയില്‍. ഫഹദും ഐശ്വര്യ ലക്ഷ്മിയും മുഖ്യകഥാപാത്രങ്ങളെ അവതരിപ്പിച്ച ചിത്രത്തില്‍ കുടുംബത്തെ മോശമായി ചിത്രീകരിച്ചെന്ന് കാണിച്ച് എറണാകുളത്തെ പാപ്പാളി കുടുംബം അണിയറപ്രവര്‍ത്തകര്‍ക്ക് വക്കീല്‍ നോട്ടീസ് അയച്ചു. ചിത്രത്തിന്റെ പ്രദര്‍ശനം നിര്‍ത്തിവെക്കണമെന്ന് ആവശ്യപ്പെട്ട് എറണാകുളം മുന്‍സിഫ് കോടതിയിലാണ് ഹര്‍ജി നല്‍കിയത്. ചിത്രത്തിന്റെ സംവിധായകന്‍, നിര്‍മാതാവ്, തിരക്കഥാകൃത്ത് എന്നിവര്‍ക്കെതിരെയാണ് പരാതി.ചിത്രത്തിലെ വില്ല•ാരുടെ കുടുംബപ്പേരാണ് പാപ്പാളി. ജീവിച്ചിരിക്കുന്നവരോ മരിച്ചവരോ ആയി ബന്ധമില്ലെന്ന് സിനിമയില്‍ പരാമര്‍ശിച്ചിട്ടില്ല എന്നതിനാല്‍ തന്നെ ബോധപൂര്‍വം കുടുംബപ്പേര് കളങ്കപ്പെടുത്തി എന്നാണ് പരാതി. വെള്ളിയാഴ്ച കേസില്‍ വാദം കേള്‍ക്കും. ചിത്രം മികച്ച അഭിപ്രായം നേടി പ്രദര്‍ശനം തുടരുന്നതിനിടെയാണ് കേസ്.
