നോയ്ഡ- അയല്വീട്ടിലെ 13കാരനെ പ്രലോഭിപ്പിച്ച് കൊണ്ടു വന്ന് ലൈംഗിക ബന്ധത്തിന് നിര്ബന്ധിക്കുകയും വിസമ്മതിച്ചപ്പോള് ചുട്ടുപഴുപ്പിച്ച ചവണ ഉപയോഗിച്ച് ബാലന്റെ ജനനേന്ദ്രിയത്തില് മുറിവേല്പ്പിക്കുകയും ചെയ്ത യുവതിക്കെതിരെ നോയ്ഡ പോലീസ് കേസെടുത്തു. നോയ്ഡയിലെ ഛപ്രോലയില് ഒരാഴ്ച മുമ്പ് നടന്ന സംഭവം കഴിഞ്ഞ ദിവസമാണ് പുറത്തറിയുന്നത്. പോലീസ് കേസെടുത്തതോടെ പ്രതിയായ യുവതി മുങ്ങിയിരിക്കുകയാണ്. തട്ടിക്കൊണ്ടു പോയി തടങ്കലിലിടല്, ലൈംഗിക പീഡനം തുടങ്ങി പല കുറ്റങ്ങളും ചുമത്തിയാണ് കേസെടുത്തിട്ടുള്ളത്. കുറ്റകൃത്യം ചെയ്ത യുവതിക്ക് 30 വയസ്സിനടുത്ത് പ്രായമുണ്ടെന്നും ഇവര് വിവാഹിതയാണെന്നും പോലീസ് പറഞ്ഞു. ്്കഴിഞ്ഞ വെള്ളിയാഴ്ച വൈകുന്നേരം വീട്ടില് മറ്റാരുമില്ലാത്ത സമയത്താണ് യുവതി ബാലനെ വീട്ടിലെത്തിച്ച് ലൈംഗിക ബന്ധത്തിന് പ്രേരിപ്പിച്ചത്. യുവതി ബാലനെ നിരന്തരം ലൈംഗിക ചേഷ്ടകള് കാട്ടി പ്രലോഭിപ്പിക്കാറുണ്ടെന്ന് ബാലന്റെ അമ്മ പോലീസിനോട് പറഞ്ഞു. ചൊവ്വാഴ്ചയാണ് ഇതു സംബന്ധിച്ച് പോലീസില് പരാതി നല്കിയത്. കുട്ടികള്ക്കെതിരായ ലൈംഗികാതിക്രമം തടയല് നിയമ പ്രകാരവും യുവതിക്കെതിരെ കുറ്റം ചുമത്തിയിട്ടുണ്ട്. അതേസമയം പരാതി നല്കുന്നതില് കാലതാമസം വരുത്തിയതടക്കം എല്ലാ വശങ്ങളും വിശദമായി അന്വേഷിക്കുമെന്നും പോലീസ് പറഞ്ഞു.
