ബദിയടുക്ക- ആള്‍താമസമില്ലാത്ത വീട്ടില്‍ സംശയകരമായ സാഹചര്യത്തില്‍ കണ്ട രണ്ടുപേരെ പോലീസ് അറസ്റ്റ് ചെയ്തു. നെല്ലിക്കട്ട ബാലടുക്കയിലെ ശ്രീതേഷ് (23), നെക്രാജെ സാലത്തടുക്കയിലെ രതീഷ് (22) എന്നിവരെയാണ് ബദിയടുക്ക പോലീസ് അറസ്റ്റ് ചെയ്തത്.
പോലീസ് പരിശോധനക്കിടെ നെല്ലിക്കട്ടയിലെ ആള്‍താമസമില്ലാത്ത വീട്ടില്‍ രണ്ടുപേരെ സംശയകരമായ സാഹചര്യത്തില്‍ പോലീസ് കണ്ടെത്തുകയായിരുന്നു. പൊലീസിനെ കണ്ടതോടെ ഇരുവരും ഇറങ്ങിയോടാന്‍ ശ്രമിച്ചു. ഇവരെ തടഞ്ഞുനിര്‍ത്തി ചോദ്യം ചെയ്തപ്പോള്‍ പരസ്പര വിരുദ്ധമായ മറുപടികളാണ് നല്‍കിയത്. തുടര്‍ന്ന് രണ്ടുപേരെയും പോലീസ് കസ്റ്റഡിയിലെടുക്കുകയായിരുന്നു.
