കുന്ദംകുളം-കോഴിക്കോട് തൃശൂര് റൂട്ടില് സര്വീസ് നടത്തുന്ന ഹാപ്പി ഡേയ്സ് ബസിലെ കണ്ടക്ടറാണ് അറസ്റ്റിലായത്. പെരുമ്പിലാവിലെ കോളജില് മൂന്നാം വര്ഷ ജേണലിസം വിദ്യാര്ഥിനിയായ കൂടല്ലൂര് മണ്ണിയം പെരുമ്പലം സ്വദേശിയാണ് ആക്രമണത്തിന് ഇരയായത്. എടപ്പാളില് നിന്നു പെരുമ്പിലാവിലേക്ക് കയറിയ ഇവര് ഒഴിവുള്ള സീറ്റില് ഇരുന്നു. ഈ സമയം സീറ്റിനു സമീപം എത്തിയ കണ്ടക്ടര് എഴുന്നേല്ക്കാന് ആവശ്യപ്പെട്ടു. ഇതിന് വിസമ്മതിച്ചതോടെ ഇരുവരും തമ്മില് വാക്കുതര്ക്കമായി. അതിനിടെ കണ്ടക്ടര് വിദ്യാര്ഥിനിയുടെ കാലില് ചവിട്ടുകയും മുഖത്ത് അടിക്കുകയുമായിരുന്നു.തുടര്ന്ന് വിദ്യാര്ഥിനി അധ്യാപകരെയും വീട്ടുകാരെയും വിവരം അറിയിച്ചശേഷം കുന്നംകുളത്തെ ആശുപത്രിയില് ചികിത്സ തേടി. പിന്നീട് ചങ്ങരംകുളം പൊലീസില് നല്കിയ പരാതിയുടെ അടിസ്ഥാനത്തില് ആണ് കണ്ടക്ടറെ അറസ്റ്റ് ചെയ്തത്.
