കൊല്ലം- മകന്റെ പിറന്നാള് തലേന്ന് കെഎസ്ആര്ടിസി കണ്ടക്ടറും ഭാര്യയും ജീവനൊടുക്കി. സാമ്പത്തിക പ്രതിസന്ധി കാരണമെന്നാണ് പ്രാഥമിക നിഗമനം. പുനലൂര് ഡിപ്പോയിലെ കെഎസ്ആര്ടിസി കണ്ടക്ടര് വിളക്കുടി മീനംകോട് വീട്ടില് വിജേഷ് (42), ഭാര്യ രാജി (36) എന്നിവരാണ് മരിച്ചത്.കഴിഞ്ഞ ദിവസം രാത്രി ആവണീശ്വരത്തു വാനിനുമുന്നില് ചാടി ഗുരുതരമായി പരിക്കേറ്റ രാജി മരിച്ചശേഷം ഇന്നലെ വൈകിട്ടാണ് വിജേഷിനെ ആയിരവില്ലിപ്പാറയിലെ മരത്തില് തൂങ്ങി മരിച്ച നിലയില് കണ്ടെത്തിയത്.വിജേഷിനും രാജിയുടെ അമ്മയ്ക്കും ഹൃദ്രോഗ ചികിത്സയ്ക്കായി വലിയ തുക ചിലവായിരുന്നു. ഇതിനുവേണ്ടി മൈക്രോ ഫിനാന്സ് യൂണിറ്റുകളില് നിന്നും പലിശക്കാരില് നിന്നും വായ്പയെടുത്തിരുന്നു.
