മുംബൈ-പതിനെട്ടാം ലോക്‌സഭാ തെരഞ്ഞെടുപ്പിന് മാസങ്ങള്‍ മാത്രം ബാക്കി നില്‍ക്കെ വര്‍ഗീയ ധ്രുവീകരണത്തിനും വിദ്വേഷ പ്രചാരണത്തിനും സഹായകമാകുന്ന മറ്റൊരു സിനിമ കൂടി വരുന്നു. 2022 ല്‍ പുറത്തിറക്കിയ പ്രചാരണ സിനിമയായ കശ്മീമീര്‍ ഫയല്‍സിന്റെ ഫോളോഅപ്പ് പോലെയാണ് യാമി ഗൗതം അഭിനയിച്ച ആര്‍ട്ടിക്കിള്‍ 370 റിലീസ് ചെയ്യാന്‍ ഒരുങ്ങുന്നത്.
സിനിമയുടെ ട്രെയിലര്‍ കഴിഞ്ഞ ദിവസം പുറത്തുവന്നു. ജമ്മു കശ്മീരിന്റെ പ്രത്യേക പദവി റദ്ദാക്കുന്നതിലേക്ക് നയിച്ച സംഭവങ്ങളെ അടിസ്ഥാനമാക്കിയുള്ളതാണ് ആര്‍ട്ടിക്കിള്‍ 370. യഥാര്‍ത്ഥ സംഭവങ്ങളില്‍ നിന്ന് പ്രചോദനം ഉള്‍ക്കൊണ്ടതാണെന്ന് ട്രെയിലര്‍ അവകാശപ്പെടുമ്പോള്‍ തന്നെ അത് ചര്‍ച്ചയിലേക്ക് നയിക്കുന്നു.
ചിത്രത്തില്‍ യാമി ഗൗതം ഒരു ഇന്റലിജന്‍സ് ഓഫീസറായാണ് വേഷമിടുന്നത്. വ്യക്തിപരമായ നഷ്ടങ്ങളിലൂടെ കടന്നുപോയ നായിക ഒരു ദൗത്യം നയിക്കാന്‍ കാശ്മീരില്‍ നിയമിക്കപ്പെടുന്നു. കശ്മീര്‍ ഫയല്‍സ് അതിന്റെ പ്രചരണ ഉള്ളടക്കത്തിന്റെ പേരില്‍ വിമര്‍ശിക്കപ്പെട്ടിരുന്നുവെങ്കിലും ബോക്‌സ് ഓഫീസില്‍ വിജയിച്ചിരുന്നു.
ഉറി: ദ സര്‍ജിക്കല്‍ സ്‌െ്രെടക്ക് സംവിധാനം ചെയ്യുകയും മികച്ച സംവിധായകനുള്ള ദേശീയ ചലച്ചിത്ര അവാര്‍ഡ് നേടുകയും ചെയ്ത ആദിത്യ ധറാണ് ആര്‍ട്ടിക്കിള്‍ 370 നിര്‍മാതാവ്.
ഭാര്യയും മക്കളുമെത്തി കൊതി തീരും മുമ്പേ... പ്രവാസികളെ നൊമ്പരപ്പെടുത്തി ഒരു വേര്‍പാട്
മൂടിവെക്കണം; ബ്രാ ധരിക്കാത്ത യുവതിയെ വിമാന ജീവനക്കാര്‍ ഭീഷണിപ്പെടുത്തി
ആര്‍ട്ടിക്കിള്‍ 370 18ാം ലോക്‌സഭാ തെരഞ്ഞെടുപ്പിന് ഏതാനും മാസങ്ങള്‍ മാത്രം ശേഷിക്കെ പുറത്തിറക്കുന്നു, അത് സന്ദേശമയയ്ക്കലില്‍ വ്യക്തമാണ്. കശ്മീര്‍ മുഴുവനും ഇന്ത്യയുടെ ഭാഗമായിരുന്നുവെന്നും എപ്പോഴും അങ്ങനെ തന്നെ എന്നും പറയുന്ന സിനിയുടെ ലക്ഷ്യം കശ്മീര്‍ ഫയല്‍സ് പോലെ തന്നെ വ്യക്തമാകുന്നു.
യാമി ഗൗതമിനൊപ്പം പ്രിയാമണി, അരുണ്‍ ഗോവില്‍ എന്നിവരും ചിത്രത്തില്‍ അഭിനയിക്കുന്നു. ഈ മാസം 23നാണ് ചിത്രം തിയേറ്ററുകളില്‍ റിലീസ് ചെയ്യുക. ആദിത്യ സുഹാസ് ജംഭാലെയാണ് ചിത്രം സംവിധാനം ചെയ്തിരിക്കുന്നത്.
ഇന്ദിരാഗാന്ധിയുടെ വേഷത്തില്‍ നായികയായി അഭിനയിക്കുന്ന കങ്കണ റണാവത്തിന്റെ എമര്‍ജന്‍സി എന്ന ചിത്രവും ലോക്‌സഭാ തിരഞ്ഞെടുപ്പിന് മുമ്പായി റിലീസ് ചെയ്യാന്‍ ഒരുങ്ങുകയാണ്.
