മലപ്പുറം - കാട്ടുപന്നിക്കൂട്ടം കടയിലേക്ക് ഇരച്ചുകയറിയത് പരിഭ്രാന്തി പരത്തി. മലപ്പുറം ജില്ലയിലെ പാണ്ടിക്കാട് തച്ചിങ്ങനാടം അരിക്കണ്ടംപാക്ക് എന്ന സ്ഥലത്താണ് സംഭവം.
പത്ത് പന്നികളാണ് കടകളിലേക്ക് കൂട്ടത്തോടെ ഇരച്ചുകയറിയത്. തുടർന്ന് പന്നികൾ കടകളിലെ സാധനങ്ങൾ നശിപ്പിച്ചു. നിർത്തിയിട്ട മൂന്ന് വാഹനങ്ങളും തകർത്തു.
പന്നിയാക്രമണത്തെ തുടർന്ന് കടയിലെ ജീവനക്കാർ ഓടി രക്ഷപ്പെടുകയായിരുന്നു. മങ്കടയിൽനിന്നുള്ള വിദഗ്ധ സംഘമാണ് പന്നികളെ തുരത്തിയത്. പത്ത് പന്നികളെയും വെടിവെച്ചുകൊന്നതായി അധികൃതർ പറഞ്ഞു. പോലീസ്, പഞ്ചായത്ത് വില്ലേജ് അധികൃതർ സംഭവ സ്ഥലത്തെത്തി.
