ബംഗളുരു- കര്ണാടകയിലെ ഉത്തര കന്നഡ ജില്ലയില് നിരവധി പേര്ക്ക് കുരങ്ങുപനി. 31 കേസുകള് കണ്ടെത്തി. രോഗം ബാധിച്ചവരില് 12 പേര് ആശുപത്രികളിലും ബാക്കിയുള്ളവര് വീടുകളിലും ചികിത്സയിലാണ്. ഗുരുതരമായ കേസുകളൊന്നും ഇതുവരെ റിപ്പോര്ട്ട് ചെയ്തിട്ടില്ല. സിദ്ധാപൂര് താലൂക്കില് നിന്നാണ് കൂടുതല് കേസുകളും റിപ്പോര്ട്ട് ചെയ്യപ്പെട്ടതെന്ന് പിടിഐ റിപ്പോര്ട്ട് ചെയ്തു.
കാസനൂര് ഫോറസ്റ്റ് ഡിസീസ് (കെഎഫ്ഡി) എന്ന് ശാസ്ത്രീയമായി അറിയപ്പെടുന്ന കുരങ്ങ് പനി, പ്രധാനമായും വനപ്രദേശങ്ങളില്, മനുഷ്യരിലേക്ക് പകരുന്ന ഒരു വൈറല് രോഗമാണ്. ഇന്ത്യയുടെ ചില ഭാഗങ്ങളില്, പ്രത്യേകിച്ച് കര്ണാടക, മഹാരാഷ്ട്ര, ഗോവ എന്നിവിടങ്ങളില് കാണപ്പെടുന്ന വൈറസ് പ്രാഥമികമായി കുരങ്ങുകളെ ബാധിക്കുന്നു, പ്രത്യേകിച്ച് ലാംഗുറുകളെ.
പെട്ടെന്നുള്ള പനി, കടുത്ത തലവേദന, പേശിവേദന, ക്ഷീണം തുടങ്ങിയ ലക്ഷണങ്ങളോടെയാണ് അണുബാധ പ്രത്യക്ഷപ്പെടുന്നത്. രോഗികള്ക്ക് വിറയല്, തലകറക്കം, ഫോട്ടോഫോബിയ എന്നിവ അനുഭവപ്പെടാം. രോഗം പുരോഗമിക്കുമ്പോള്, ഛര്ദ്ദി, വയറിളക്കം തുടങ്ങിയ ലക്ഷണങ്ങള് ഉണ്ടാകാം. മൂക്കില്നിന്ന് രക്തസ്രാവം, മോണയില്നിന്ന് രക്തസ്രാവം തുടങ്ങിയവയും ഉണ്ടാകാം.
