കോഴിക്കോട്- വൈദ്യുത മന്ത്രി എം.എം. മണിക്കെതിരേ രൂക്ഷ വിമര്ശനവുമായി ബി.ജെ.പി സംസ്ഥാന ജനറല് സെക്രട്ടറി കെ. സുരേന്ദ്രന്. കേരളത്തിലെ പ്രളയത്തിനു കാരണം ഡാമുകള് തുറന്നുവിടാന് വൈകിയതുമൂലമാണെന്ന് നാസ വരെ പറഞ്ഞിട്ടും മണി മന്ത്രിയായി തുടരുന്നത് കേരളത്തിലായതുകൊണ്ടു മാത്രമാണെന്ന് സുരേന്ദ്രന് ഫേസ്ബുക്കില് കുറിച്ചു.
ഇത്രയും അവിവേകിയും ധിക്കാരിയും താന്തോന്നിയുമായ ഒരു മന്ത്രിയെ ഇനിയും അധികാരത്തില് നിലനിര്ത്തുന്നത് ഓരോ കേരളീയനും അപമാനമാണ്. ഉമ്മന് ചാണ്ടിയുടെ ഭരണകാലത്താണ് ഈ ദുരന്തമുണ്ടായതെങ്കില് പിണറായി വിജയനും കൂട്ടരും ഒരു ഔചിത്യബോധവുമില്ലാതെ സമരത്തിനിറങ്ങി കേരളത്തെ മറ്റൊരു ദുരന്തഭൂമിയാക്കുമായിരുന്നുവെന്നും സുരേന്ദ്രന് പറയുന്നു.
മനസാക്ഷി പണയം വെച്ച പാര്ട്ടി അണികളും അവരെ പിന്തുണക്കുന്ന ജിഹാദികളും ഒരുപറ്റം മീഡിയയുമാണ് ഈ ഘട്ടത്തിലും പിണറായിക്കും മണിക്കും ഹാലേലൂയ പാടുന്നതെന്നും സുരേന്ദ്രന് ഫേസ്ബുക്കില് കുറിച്ചു.
