ആലപ്പുഴ- ആലപ്പുഴയിലെ ബിജെപി നേതാവായിരുന്ന രഞ്ജിത്ത് ശ്രീനിവാസനെ കൊലപ്പെടുത്തിയ കേസില് വിധി ഇന്ന്. മാവേലിക്കര അഡീഷണല് സെഷന്സ് കോടതി ജഡ്ജി വി ജി ശ്രീദേവിയാകും വിധി പറയുക. എസ്.ഡി.പി.ഐ പ്രവര്ത്തകരാണ് കേസിലെ പ്രതികള് 2021 ഡിസംബറിലാണ് കൊലപാതകം നടന്നത്. വെള്ളക്കിണറിലെ വീട്ടില് കയറി അമ്മയുടേയും ഭാര്യയുടേയും മകളുടേയും മുമ്പിന് വെച്ച് എസ്ഡിപിഐ പ്രവര്ത്തകര് വെട്ടിക്കൊലപ്പെടുത്തുകയായിരുന്നു. പ്രതികാരക്കൊല നടത്തുമെന്ന് എസ്ഡിപിഐക്കാരായ പ്രതികള് മുന്കൂട്ടി തീരുമാനിച്ചിരുന്നുവെന്നും പ്രോസിക്യൂഷന് കോടതിയില് പറഞ്ഞിരുന്നു. കേസില് 15 പേരാണ് വിചാരണ നേരിട്ടത്. മാവേലിക്കര ജില്ലാ ജയിലിലാണ് പ്രതികള്.
എസ്ഡിപിഐ സംസ്ഥാന സെക്രട്ടറിയായിരുന്ന കെഎസ് ഷാന് പതിനെട്ടാം തീയതി രാത്രിയാണ് കൊല്ലപ്പെട്ടത്. പിറ്റേന്ന് രാവിലെയാണ് രഞ്ജിത്ത് ശ്രീനിവാസന് കൊല്ലപ്പെടുന്നത്. ഷാന് വധക്കേസില് 13 ആര്എസ്എസ് ബിജെപി പ്രവര്ത്തകര് അറസ്റ്റിലായിരുന്നു. ഇവരെല്ലാം ജാമ്യത്തിലാണ്. കേസ് ആലപ്പുഴ അഡീഷണല് സെഷന്സ് കോടതി അടുത്ത മാസം രണ്ടിന് വീണ്ടും പരിഗണിക്കും.
