മലപ്പുറം - നാലു മക്കളുടെ ഉമ്മയായ യുവതിയെ മലപ്പുറം പന്തല്ലൂരിലെ ഭര്തൃവീട്ടില് തൂങ്ങി മരിച്ച നിലയില് കണ്ടെത്തി. പ്രവാസിയായ വെള്ളില സ്വദേശി നിസാറിന്റെ ഭാര്യ തഹ്ദില (25)ആണ് മരിച്ചത്. മൃതദേഹം മഞ്ചേരി മെഡിക്കല് കോളേജ് മോര്ച്ചറിയിലേക്ക് മാറ്റി. സംഭവത്തില് അസ്വാഭാവിക മരണത്തിന് പൊലീസ് കേസെടുത്തു. ഭര്തൃപിതാവിന്റെ ശാരീരികമായും മാനസികമായുമുള്ള പീഡനത്തെ തുടര്ന്നാണ് യുവതി ആത്മഹത്യ ചെയ്തതെന്ന് യുവതിയുടെ ബന്ധുക്കള് ആരോപിച്ചു. സംഭവത്തെ കുറിച്ച് കൂടുതല് കാര്യങ്ങള് വ്യക്തമായിട്ടില്ലെന്നും അസ്വാഭാവിക മരണത്തിന് കേസെടുത്തതായും പൊലീസ് പറഞ്ഞു. യുവതിക്ക് രണ്ടു വയസുള്ള കുട്ടി ഉള്പ്പെടെ നാലു മക്കളാണുള്ളത്. ഭര്ത്താവ് നിസാര് വിദേശത്ത് ജോലി ചെയ്യുകയാണ്.
