ചെങ്കല്‍പേട്ട- കാല്‍ വഴുതി കിണറ്റില്‍ വീണ മകനെ രക്ഷിക്കാന്‍ ശ്രമിക്കുന്നതിനിടെ അമ്മയും മകനും കിണറ്റില്‍ മുങ്ങി മരിച്ചു. പൊങ്കല്‍ ദിനത്തില്‍ തമിഴ്‌നാട് ചെങ്കല്‍പ്പേട്ടയിലെ കൂവത്തൂരില്‍ ഉച്ചയോടെയാണ് സംഭവം.
പതിനഞ്ചുവയസുകാരന്‍ പ്രവീണ്‍, അമ്മ വിമല റാണി എന്നിവരാണ് മരിച്ചത്. വിമല റാണി കിണറിന് സമീപത്തുനിന്ന് തുണി കഴുകുകയായിരുന്നു. അതിനിടെ അമ്മയുടെ അടുത്തേക്ക് എത്തിയ പ്രവീണ്‍ കാല്‍ തെറ്റി കിണറില്‍ വീണു. ഉടന്‍ തന്നെ മകനെ രക്ഷിക്കാന്‍ അമ്മയും കിണറ്റിലേക്ക് എടുത്തുചാടുകയും രണ്ടുപേരും മുങ്ങി മരിക്കുകമായിരുന്നു. ആളുകള്‍ ഓടിയെത്തിയെങ്കിലും ഇരുവരെയും രക്ഷിക്കാന്‍ കഴിഞ്ഞില്ല. ഫയര്‍ഫോഴ്‌സ് എത്തിയാണ് മൃതദേഹങ്ങള്‍ പുറത്ത് എത്തിച്ചത്.
