ബുസാന് - തുറമുഖ നഗരമായ ബുസാനില് മാധ്യമപ്രവര്ത്തകരോട് സംസാരിക്കുന്നതിനിടെ ദക്ഷിണ കൊറിയന് പ്രതിപക്ഷ പാര്ട്ടി നേതാവ് ലീ ജേ-മ്യുങ്ങിന്റെ കഴുത്തിന് കുത്തേറ്റു.
പുതിയ വിമാനത്താവളത്തിന്റെ സൈറ്റ് സന്ദര്ശിച്ച ശേഷം മാധ്യമപ്രവര്ത്തകരോടൊപ്പം ലീ നടക്കുമ്പോള്, അദ്ദേഹത്തിന്റെ മുന്നില് ഒരാള് ശ്വാസം മുട്ടിക്കുകയും കഴുത്തില് ഇടിക്കുകയും ചെയ്തു. 59 കാരനായ ലീയെ സഹായിക്കാന് ആളുകള്ർ ഓടിയെത്തിയപ്പോഴേക്കും അദ്ദേഹം നിലത്തു വീണു.
അക്രമി ഓട്ടോഗ്രാഫ് ചോദിച്ചാണ് അടുത്തെത്തിയത്. തുടര്ന്ന് ലീയെ 'കത്തി പോലെ തോന്നിക്കുന്ന'എന്തോ വസ്തുകൊണ്ട് പ്രഹരം ഏല്പ്പിക്കുകയായിരുന്നു.
അടിയന്തര രക്ഷാപ്രവര്ത്തകര് ലീയെ ആംബുലന്സില് കയറ്റുന്നത് കണ്ടു. പിന്നീട് ഹെലികോപ്റ്ററില് അദ്ദേഹത്തെ ആശുപത്രിയിലേക്ക് കൊണ്ടുപോയതായി യോന്ഹാപ്പ് വാര്ത്താ ഏജന്സി റിപ്പോര്ട്ട് ചെയ്തു. സംഭവസ്ഥലത്ത് നിന്ന് കൊണ്ടുപോകുമ്പോള് രക്തസ്രാവമുണ്ടായിരുന്നെങ്കിലും ബോധാവസ്ഥയിലാണെന്ന് ഏജന്സി പറഞ്ഞു.
ലീയുടെ കഴുത്തില് ഒരു സെന്റീമീറ്റര് വെട്ടേറ്റുവെന്നും അദ്ദേഹം ബോധവാനാണെന്നും രക്തസ്രാവം കുറവാണെന്നും ബുസാനിലെ പോലീസ് പറഞ്ഞു, ദക്ഷിണ കൊറിയന് വാര്ത്താ ഏജന്സിയായ ചോസുന് ഇല്ബോ പറയുന്നു.
പോലീസ് ഉദ്യോഗസ്ഥര് അക്രമിയെ നിലത്തിട്ട് മർദിക്കുന്നത് ടിവി ദൃശ്യങ്ങളില് കാണാം. ലീയുടെ പേരെഴുതിയ തൊപ്പിയാണ് ഇയാള് ധരിച്ചിരിക്കുന്നത്. അക്രമിയെ അറസ്റ്റ് ചെയ്തതായി യോന്ഹാപ്പ് പറഞ്ഞു.
ദക്ഷിണ കൊറിയയുടെ ചരിത്രത്തിലെ ഏറ്റവും കടുത്ത പ്രസിഡന്റ് തെരഞ്ഞെടുപ്പില് ഡെമോക്രാറ്റിക് പാര്ട്ടിയുടെ തലവന് ലീ 2022 ല് യാഥാസ്ഥിതിക യൂന് സുക് യോളിനോട് പരാജയപ്പെട്ടു.
