ഇടുക്കി - മൂന്നാറില് 12 വയസ്സുകാരിയെ വീട്ടില്നിന്ന് കാട്ടിലേക്ക് കൂട്ടിക്കൊണ്ടുപോയി ക്രൂരമായി പീഡിപ്പിച്ചു. പെണ്കുട്ടിക്ക് ശീരിരിക അസ്വസ്ഥതകള് ആരംഭിച്ചതിനെ തുടര്ന്ന് മാതാപിതാക്കളുടെ പരിശോധനയിലാണ് പീഡനത്തിനിരയായതായി കണ്ടെത്തിയത്. സംഭവത്തില് കേസെടുത്ത പോലീസ് പ്രതിക്കായി തെരച്ചില് ആരംഭിച്ചു. മൂന്നാര് ചിട്ടിവാര എസ്റ്റേറ്റിലാണ് സംഭവം. ജാര്ഖണ്ഡ് സ്വദേശിയായ 12 വയസ്സുകാരിയാണ് പീഡനത്തിനിരയായത്. കാട്ടിലേക്ക് കൂട്ടി കൊണ്ടുപോയാണ് പീഡിപ്പിച്ചതെന്ന് പെണ്കുട്ടി പോലീസിന് മൊഴി നല്കി. മൂന്നു ദിവസം മുന്പ് വീട്ടില് ആരുമില്ലാത്ത നേരത്ത് കുട്ടിയെ പ്രതി കാട്ടിലേക്ക് കൊണ്ടുപോകുകയും പീഡിപ്പിക്കുകയുമായിരുന്നു. മാതാപിതാക്കള് പോലീസില് പരാതി നല്കിയതിനെ തുടര്ന്നാണ് അന്വേഷണം ആരംഭിച്ചത്.
