ചെന്നൈ - തമിഴ് നടൻ വിജയ്ക്ക് നേരെ ചെരുപ്പേറ്. അന്തരിച്ച നടനും ഡി.എം.ഡി.കെ നേതാവുമായ വിജയകാന്തിന് അന്ത്യോപചാരം അർപ്പിച്ച് മടങ്ങുന്നതിനിടെയാണ് ആൾക്കൂട്ടത്തിൽ നിന്ന് ചെരുപ്പേറുണ്ടായത്.
വിജയകാന്തിന്റെ മൃതദേഹത്തിൽ അന്തിമോപചാരമർപ്പിച്ച് ജനക്കൂട്ടത്തിനിടയിലൂടെ വാഹനത്തിനടുത്തേയ്ക്ക് നടക്കുകയായിരുന്നു നടൻ. അതിനിടെയാണ് ചെരുപ്പേറുണ്ടായതെന്ന് പോലീസ് പറഞ്ഞു. സുരക്ഷാ ഉദ്യോഗസ്ഥർ ഇടപെട്ട് താരത്തെ സുരക്ഷിതമായി കാറിൽ എത്തിച്ചു.
കോവിഡ് ബാധിച്ച് മരിച്ച വിജയകാന്തിന്റെ മൃതദേഹം വെള്ളിയാഴ്ച വൈകീട്ട് പൂർണ്ണ ഔദ്യോഗിക ബഹുമതികളോടെ ഡി.എം.ഡി.കെ ആസ്ഥാനത്ത് സംസ്‌കരിക്കും. സിനിമാ താരങ്ങളും രാഷ്ട്രീയ നേതാക്കളും പൊതുജനങ്ങളും ഉൾപ്പെടെ വൻ ജനാവലിയാണ് വിജയകാന്തിന് അന്ത്യാഞ്ജലി അർപ്പിക്കാൻ എത്തിക്കൊണ്ടിരിക്കുന്നത്.
