ധാക്ക- ജനുവരിയിൽ ബംഗ്ലാദേശിൽ നടക്കാനിരിക്കുന്ന പൊതു തെരഞ്ഞെടുപ്പ് ബഹിഷ്‌കരിക്കാൻ പ്രതിപക്ഷത്തിന്റെ ആഹ്വാനം. പ്രധാനമന്ത്രി ഷെയ്ഖ് ഹസീന തുടർച്ചയായി നാലാം തവണയും മത്സരിക്കുന്ന തെരഞ്ഞെടുപ്പ് ബഹിഷ്‌കരിക്കാനാണ് ബംഗ്ലാദേശിലെ പ്രധാന പ്രതിപക്ഷ പാർട്ടിയായ ബംഗ്ലാദേശ് നാഷണലിസ്റ്റ് പാർട്ടി(ബി.എൻ.പി) ആഹ്വാനം ചെയ്തത്. തങ്ങളുടെ ഉന്നത നേതാക്കൾ പലരും ജയിലിലാണ്. ചിലരെ നാടുകടത്തിയിരിക്കുന്നു. പ്രധാനമന്ത്രി പദവിയിൽനിന്ന് ഹസീന രാജിവെക്കണമെന്നും പകരം ഒരു നിഷ്പക്ഷ കേന്ദ്രം അധികാരത്തിൽ വേണമെന്നും ബി.എൻ.പി ആവശ്യപ്പെട്ടു. ജനുവരി ഏഴിനാണ് ബംഗ്ലാദേശിൽ പൊതുതെരഞ്ഞെടുപ്പ്. സ്ഥാനമൊഴിയാനുള്ള പ്രതിപക്ഷ ആഹ്വാനങ്ങൾ ഹസീന ആവർത്തിച്ച് നിരസിക്കുകയും ഒക്‌ടോബർ അവസാനം മുതൽ ധാക്കയെ പിടിച്ചുകുലുക്കിയ സർക്കാർ വിരുദ്ധ പ്രതിഷേധങ്ങൾക്ക് പ്രേരിപ്പിച്ചതിന് ബിഎൻപിയെ കുറ്റപ്പെടുത്തുകയും ചെയ്തു. പ്രക്ഷോഭത്തിൽ പത്തു പേരാണ് കൊല്ലപ്പെട്ടത്. അതിൽ കുറഞ്ഞത് 10 പേർ കൊല്ലപ്പെട്ടു.
ജനുവരി 7 ന് നടക്കുന്ന ഡമ്മി തിരഞ്ഞെടുപ്പ് ബഹിഷ്‌കരിക്കണമെന്ന് ബി.എൻ.പിയുടെ സീനിയർ ജോയിന്റ് സെക്രട്ടറി ജനറൽ റൂഹുൽ കബീർ റിസ്‌വി ഒരു ഓൺലൈൻ പത്രസമ്മേളനത്തിൽ പറഞ്ഞു. 'നിങ്ങളാരും പോളിംഗ് സ്‌റ്റേഷനിൽ പോകരുത്. ഇത് നിങ്ങളുടെ ജനാധിപത്യ അവകാശമാണ്.'
സർക്കാർ ജീവനക്കാരോട് പ്രത്യേകിച്ച് തിരഞ്ഞെടുപ്പ് സംഘടിപ്പിക്കുന്നതിൽ ഏർപ്പെട്ടിരിക്കുന്നവർ രാജിവയ്ക്കാനും ബാങ്കിംഗ്, ജുഡീഷ്യൽ സംവിധാനം ഉൾപ്പെടെയുള്ള എല്ലാ സേവനങ്ങളും നിർത്തിവയ്ക്കാനും റിസ് വി ആഹ്വാനം ചെയ്തു. എല്ലാ നികുതികളും ഫീസും യൂട്ടിലിറ്റി ബില്ലുകളും അടക്കുന്നത് താൽക്കാലികമായി നിർത്തിവെക്കാനും ആഹ്വാനം ചെയ്തു.
അതേസമയം, തെരഞ്ഞെടുപ്പ് പ്രചാരണവുമായി ശൈഖ് ഹസീന രാജ്യത്തുടനീളം റാലികൾ നടത്തുകയാണ്. സമ്പന്നമായ ബംഗ്ലാദേശിനായി പ്രവർത്തിക്കുന്നത് തുടരാൻ തന്റെ പാർട്ടിക്ക് വോട്ടുചെയ്യാൻ ഹസീന ജനങ്ങളോട് അഭ്യർത്ഥിച്ചു. വോട്ട് ചെയ്യുക എന്നത് ജനങ്ങളുടെ ഭരണഘടനാപരമായ അവകാശമാണ്. വോട്ടിംഗിലോ തെരഞ്ഞെടുപ്പിലോ ആരെങ്കിലും ഇടപെട്ടാൽ ജനങ്ങൾ അവരെ തള്ളിക്കളയുമെന്നും ഹസീന പറഞ്ഞു. ഏത് പാർട്ടിക്കും വോട്ടെടുപ്പ് ബഹിഷ്‌കരിക്കാം. പക്ഷേ അവർ എന്തിനാണ് ആളുകളെ ചുട്ടുകൊല്ലുന്നതെന്ന് ഹസീന ചോദിച്ചു. എന്നാൽ, ഏതെങ്കിലും തരത്തിലുള്ള ആക്രമണത്തിൽ തങ്ങൾക്ക് പങ്കില്ലെന്ന് ബി.എൻ.പി ആവർത്തിച്ചു. ചൊവ്വാഴ്ച ട്രെയിനിന് തീപിടിച്ച് അമ്മയും മൂന്ന് വയസ്സുള്ള മകനുമടക്കം നാല് പേർ മരിച്ചിരുന്നു.
