ലഖ്നൗ- അയോധ്യയിലെ രാമക്ഷേത്രത്തില് ജനുവരി 22ന് നടക്കുന്ന പ്രതിഷ്ഠാ ചടങ്ങിലേക്ക് കേരളത്തില് നിന്ന് മോഹന് ലാലിനും മാതാ അമൃതാനന്ദമയിക്കും ക്ഷണം. പ്രധാനമന്ത്രി നരേന്ദ്ര മോഡി പങ്കെടുക്കുന്ന പരിപാടിയിലേക്കാണ് ഇരുവരേയും ക്ഷണിച്ചിരിക്കുന്നത്.
ചലച്ചിത്ര രംഗത്തുനിന്ന് അമിതാഭ് ബച്ചന്, രജനീകാന്ത്, അക്ഷയ് കുമാര്, മാധുരി ദീക്ഷിത്, അനുപം ഖേര്, ചിരംഞ്ജീവി, ഋഷഭ് ഷെട്ടി, ധനുഷ് സംവിധായകരായ രാജ് കുമാര് ഹിരാനി, സഞ്ജയ് ലീല ബന്സാലി, രോഹിത് ഷെട്ടി എന്നിവര്ക്കും ക്ഷണമുണ്ട്.
പരിപാടിയില് എഴായിരം പേരാണ് പങ്കെടുക്കുക. ഇതില് നാലായിരം പേര് പുരോഹിതന്മാരാണ്. കാശി വിശ്വനാഥ്, വൈഷ്ണോദേവി തുടങ്ങിയ പ്രധാനക്ഷേത്രങ്ങളിലെ മുഖ്യപുരോഹിതന്മാരും ചടങ്ങില് പങ്കെടുക്കും.
