ന്യൂദല്ഹി-പ്രായം തെളിയിക്കുന്നതിനുള്ള രേഖയല്ല ആധാറെന്ന് വ്യക്തമാക്കി യുഐഡിഎഐ. പുതിയതായി പ്രിന്റ് ചെയ്യുന്ന കാര്ഡുകളില് ഇതുസംബന്ധിച്ച അറിയിപ്പ് ചേര്ത്തുതുടങ്ങിയിട്ടുണ്ട്.
പാസ്പോര്ട്ട് എടുക്കുമ്പോള് പ്രായം തെളിയിക്കാന് സമര്പ്പിക്കുന്ന രേഖകളുടെ പട്ടികയില്നിന്ന് ആധാര് ഒഴിവാക്കി. ആധാറെടുക്കുമ്പോള് നല്കിയ രേഖകളിലെ ജനന തീയതിയാണു കാര്ഡിലുള്ളതെന്ന മുന്നറിയിപ്പാണ് യുഐഡിഎഐ അറിയിപ്പില് നല്കുന്നത്.
ആധാര് പ്രായം തെളിയിക്കാനുള്ള രേഖയല്ലെന്ന നിലപാട് നേരത്ത തന്നെ പല കോടതികളിലും യുഐഡിഎഐ വ്യക്തമാക്കിയിരുന്നു. കോടതികളും ഇതുതന്നെ ആവര്ത്തിച്ചു. എന്നാല് ആദ്യമായാണ് ഇക്കാര്യം ആധാര് കാര്ഡുകളില് രേഖപ്പെടുത്തുന്നത്. സര്ക്കാര് വകുപ്പുകളടക്കം ജനന തീയതി തെളിയിക്കാനുള്ള രേഖയായി ആധാര് ഉപയോഗിക്കുന്നുണ്ട്.
