കരീമും ഊബറും മാത്രമല്ല, കുറഞ്ഞ നിരക്കില്‍ വേറെയും ടാക്‌സി ആപ്പുകളുണ്ട്
ജിദ്ദ-റോഡിലിറങ്ങിയാല്‍ ടാക്‌സികള്‍ ഇഷ്ടം പോലെ ലഭ്യമാണെങ്കിലും സൗദിയില്‍ ടാക്‌സി സേവനത്തിന് ഓണ്‍ലൈന്‍ ആപ്പുകളെ ആശ്രയിക്കുന്നവരും ധാരാളമാണ്. മുന്‍നിര കമ്പനികളായ ഊബറും കരീമുമാണ് ഓണ്‍ലൈന്‍ ടാക്‌സി സര്‍വീസില്‍ മുന്‍ഗാമികളെങ്കിലും ഇപ്പോള്‍ വേറെയും കമ്പനികള്‍ സ്വീകാര്യത നേടിയിട്ടുണ്ട്.ഊബറിലും കരീമിലും നിരക്ക് കൂടിയതിനെ തുടര്‍ന്ന് ഓണ്‍ലൈന്‍ ടാക്‌സി ആപ്പുകള്‍ ഉപേക്ഷിച്ചവര്‍ക്ക് പുതിയ കമ്പനികളെ പരീക്ഷിക്കാവന്നതാണ്.
കരീമിനും ഊബറിനും പുറമെ, ബോള്‍ട്, കൈയാന്‍, ജീനി എന്നിവ സൗദിയിലുളള പ്രധാന ഓണ്‍ലൈന്‍ ടാക്‌സികളാണ്.ന്യായമായ നിരക്ക് ജീനിയെ വേര്‍തിരിച്ചു നിര്‍ത്തുന്നുണ്ടെങ്കിലും ഡ്രൈവര്‍മാര്‍ക്കുവേണ്ടി ചിലപ്പോള്‍ കാത്തിരിക്കേണ്ടി വരാറുണ്ടെന്ന് ഉപയോക്താക്കള്‍ പറയുന്നു. ഡ്രൈവര്‍മാരുടെ വലിയ ശ്രേണിയുണ്ടെന്നാണ് കമ്പനി അവകാശപ്പെടുന്നത്. എന്നാല്‍ മികച്ച കസ്റ്റമര്‍ സര്‍വീസ് ലഭിക്കുന്നില്ലെന്ന് ഉപയോക്താക്കള്‍ പരാതിപ്പെടുന്നു.
ലഭ്യമായ ധാരാളം ഡ്രൈവര്‍മാരെ കാണിക്കുമെങ്കിലും കിട്ടാന്‍ കുറച്ചു സയമെടുക്കുന്നു എന്നതാണ് ഉപയോക്താക്കളുടെ പരാതിക്ക് അടിസ്ഥാനം. അതേസമയം, മറ്റു കമ്പനികളുമായി താരതമ്യപ്പെടുത്തുമ്പോള്‍ ഇവരുടെ നിരക്ക് വളരെ കുറവാണ്. ന്യായമായ നിരക്ക് വാഗ്ദാനം ചെയ്താണ് മറ്റു കമ്പനികളുമായി മത്സരിച്ച് ജീനിയുടെ നിലനില്‍പ്.
അടുത്തിടെ, വിഷന്‍ 2030 പദ്ധതിയുടെ ഭാഗമായി, ജീനിക്ക് ന്യായമായ സര്‍ക്കാര്‍ പിന്തുണ ലഭിച്ചു. ഇത് രാജ്യത്തെ മികച്ച ഓണ്‍ലൈന്‍ ആപ്പുകളില്‍ ഒന്നായി മാറാന്‍ കമ്പനിയെ സഹായിച്ചു.
ഡ്രൈവര്‍മാരുടെ മത്സരാധിഷ്ഠിത നിരക്കുകളാണെങ്കിലും ജീനിക്ക് പൊതുവെ ശക്തമായ ഗുണനിലവാര പരിശോധനകള്‍ ഇല്ല. എന്നിരുന്നാലും, ഉപയോക്താക്കളുടെ അവലോകനങ്ങള്‍ കൂടുതലും പോസിറ്റീവ് ആണ്. മോശമായി പെരുമാറുന്ന െ്രെഡവര്‍മാരെ വേഗത്തില്‍ ശ്രദ്ധിക്കുന്നുണ്ടെന്നും എല്ലാ പരാതികളിലും പരിഹാരം ഉറപ്പാക്കുന്നുണ്ടെന്നും കമ്പനി അവകാശപ്പെടുന്നു.
യാത്ര റദ്ദാക്കാന്‍ സാധ്യതയില്ലാത്തവര്‍ക്ക് ബോള്‍ട്ട് നല്ലൊരു ബദലാണ്. യാത്ര റദ്ദാക്കിയാല്‍ ബോള്‍ട്ട് പിഴ ഈടാക്കും. യഥാര്‍ഥ നിരക്കിന്റെ 20 ശതമാനമാണ് പിഴ. അത് നിങ്ങള്‍ അടയ്‌ക്കേണ്ടിവരും.
ബോള്‍ട്ടിന്റെ നിരക്കും ജീനിയെ പോലെ മത്സരാധിഷ്ഠിതമാണ്. കരീമിനെയും ഊബറിനെയും ഇക്കാര്യത്തില്‍ മറികടക്കുന്നു. നിങ്ങള്‍ക്ക് 20-30 റിയാല്‍ വരെ ലാഭിക്കാം.
സൗദി ടാക്‌സി ആപ്പുകളുടെ കാര്യത്തില്‍ ജീനിയും ബോള്‍ട്ടും പ്രതീക്ഷിക്കുന്നത്ര ജനപ്രിയമല്ല. ഡ്രൈവര്‍മാര്‍ കുറവായതിനാല്‍ ഗുണനിലവാരം ഉറപ്പാക്കാന്‍ ബോള്‍ട്ടിന് സാധിക്കുന്നുണ്ട്. ന്യായമായ നിരക്കും മികച്ച കസ്റ്റമര്‍ സര്‍വീസുമാണ് കൂടുതല്‍ പ്രൊഫഷണലും ഗുണനിലവാരമുള്ളതുമായ ടാക്‌സി ആപ്പാക്കി ബോള്‍ട്ടിനെ മാറ്റുന്നത്.
സൗദി അറേബ്യയില്‍ ലഭ്യമായതില്‍ സേവനത്തില്‍ അവിശ്വസനീയമാംവിധം മുന്നിലാണ് കരീം. ടാക്‌സി സര്‍വീസിനു പുറമെ, കമ്പനിയുടെ ഡെലിവറി സംവിധാനമാണ് ഏറ്റവും വലിയ നേട്ടം. മിനിറ്റുകള്‍ക്കുള്ളില്‍ നിങ്ങളുടെ സാധനങ്ങള്‍ ശരിയായ വാതില്‍പ്പടിയില്‍ എത്തിക്കും. അത്യാധുനിക മാപ്പിംഗ് സാങ്കേതികവിദ്യ ഡ്രൈവര്‍മാര്‍ ഏറ്റവും ഉചിതമായ വഴികള്‍ സ്വീകരിക്കുന്നുവെന്ന് ഉറപ്പാക്കുന്നു. ഉല്‍പ്പന്നങ്ങളിലും ഡ്രൈവര്‍മാരിലും നിങ്ങളുടെ കണ്ണുകളുണ്ടെന്ന് ഉറപ്പുവരുത്തുന്ന തത്സമയ ട്രാക്കിംഗുമുണ്ട്. നിങ്ങള്‍ക്ക് പ്രൊഫഷണല്‍ സേവനവും അനുഭവപരിചയവുമാണ് കരീം വാഗ്ദാനം ചെയ്യുന്നത്.
ടാക്‌സി സേവനത്തില്‍ കരീമിന്റെ എതിരാളിയാണ് ഊബര്‍. കരീം പോലെ തന്നെ വാഹനങ്ങളില്‍ നിശ്ചിത നിരക്കുകളും വ്യത്യസ്ത ചോയിസുകളും ഉണ്ട്. സ്ത്രീകള്‍ക്ക് വേണമെങ്കില്‍ വനിതാ ഡ്രൈവര്‍മാരെ തന്നെ തെരഞ്ഞെടുക്കാം.
സൗദി അറേബ്യയിലെ അനുയോജ്യമായ റൂട്ടുകളെക്കുറിച്ച് നല്ല അറിവുള്ളവരാണ് ഊബര്‍ ഡ്രൈവര്‍മാര്‍. നിങ്ങളെ എല്ലായ്‌പ്പോഴും കൃത്യസമയത്ത് എത്തിക്കുന്നതിന് ജി.പി.എസ് നാവിഗേഷന്‍ ഉപയോഗിക്കുകയും ചെയ്യുന്നു. രാജ്യത്തുടനീളമുള്ള ദശലക്ഷക്കണക്കിന് ആളുകള്‍ ഉപയോഗിക്കുന്ന രാജ്യത്തെ ഏറ്റവും ജനപ്രിയമായ ആപ്പാണ് ഊബര്‍. സ്വദേശികളും വിദേശികളുമായ ധാരാളം ഡ്രൈവര്‍മാരുള്ള ആപ്പ് കൂടിയാണിത്. ടാക്‌സി സേവനങ്ങളുടെ കാര്യത്തില്‍ ഏറ്റവും ശക്തമായ ഗുണനിലവാര പരിശോധനയുണ്ട് എന്നത് ഊബറിനെ വ്യത്യസ്തമാക്കുന്നു. ഓരോ െ്രെഡവറുടെയും റേറ്റിംഗ് ശ്രദ്ധാപൂര്‍വ്വം ട്രാക്ക് ചെയ്യുകയും പരാതികള്‍ അവിശ്വസനീയമാംവിധം ഗൗരവത്തിലെടുക്കുകയും ചെയ്യുന്നു. ഇതാണ് ഊബറിനെ കൂടുതല്‍ പ്രൊഫഷണലായ കമ്പനിയാക്കി മാറ്റുന്നത്.
