ഇന്ഡോര്- മധ്യപ്രദേശിലെ ഇന്ഡോറില് അമ്മയുടെ മൃതദേഹത്തില് ലൈംഗിക വേഴ്ച നടത്തിയതിനെ തുടര്ന്ന് പിടിയിലായ 22 കാരനെ ആശുപത്രിയില് പ്രവേശിപ്പിച്ചു. മനോരോഗിയെന്ന് സംശയിക്കുന്ന യുവാവിന്റെ അറസ്റ്റ് രേഖപ്പെടുത്തിയിട്ടില്ലെന്ന് പോലീസ് പറഞ്ഞു.
ഇന്ഡോര് സിറ്റിയിലാണ് 70 കാരിയായ അമ്മയുടെ മൃതദേഹത്തില് യുവാവ് വേഴ്ച നടത്തുന്ന വീഡിയോ വിദ്യാര്ഥികള് പകര്ത്തിയത്. ബഡി ഗ്വാള്ടോളി പ്രദേശത്ത് ഡിസംബര് ഒന്നിന് രാത്രിയാണ് സംഭവമെന്ന് പോലീസ് സ്റ്റേഷന് ഇന് ചാര്ജ് ജഗദീഷ് പ്രസാദ് ജംറെ പറഞ്ഞു. വീഡിയോ ലഭിച്ചതിനെ തുടര്ന്ന് പോലീസ് അന്വേഷണം നടത്തിയപ്പോള് 22 കാരനെ മനോനില തെറ്റിയ നിലയിലാണ് കണ്ടെത്തിയതെന്ന് പോലീസ് പറഞ്ഞു.
ശ്വസകോശ രോഗത്തെ തുടര്ന്ന് ശ്വസിക്കാന് പ്രയാസം നേരിട്ടതിനെ തുടര്ന്നാണ് വയോധികയെ ആശുപത്രിയില് പ്രവേശിപ്പിച്ചിരുന്നത്. മൃതദേഹം മകന് തന്നെയാണ് ആശുപത്രിയില്നിന്ന് ഏറ്റുവാങ്ങിയത്. പോസ്റ്റ്മോര്ട്ടം നടത്തുമെന്ന് പോലീസ് പറഞ്ഞു. പ്രതിയെ മെഡിക്കല് പരിശോധനക്ക് അയച്ചിരിക്കയാണെന്നും അറസ്റ്റ് പിന്നീട് രേഖപ്പെടുത്തുമെന്നും അന്വേഷണ ഉദ്യോഗസ്ഥര് അറിയിച്ചു. പ്രദേശത്തെ ഹോസ്റ്റലില് താമസിക്കുന്ന രണ്ട് വിദ്യാര്ഥികളാണ് മൊബൈല് ഫോണില് വീഡിയോ പകര്ത്തിയതും പോലീസിനെ അറിയിച്ചതും.
