പയ്യന്നൂർ-പതിനഞ്ചുകാരിയെ പീഡിപ്പിക്കാൻ ശ്രമിച്ചതിന് ആന പാപ്പാനെതിരെ കേസ്. മലപ്പുറം പാണ്ടിക്കാട് സ്വദേശിയായ കാസിം പാണ്ടിക്കാടിനെതിരെയാണ് പെരിങ്ങോം പോലീസ് കേസെടുത്തത്. ഇയാൾ പെരിങ്ങോത്ത് ആനപാപ്പാനായി ജോലി ചെയ്തുവരികയായിരുന്നു. അതിനിടയിൽ പെരിങ്ങോം പോലീസ് സ്‌റ്റേഷൻ പരിധിയിൽ പത്താംക്ലാസിൽ പഠിക്കുന്ന പെൺകുട്ടിയുമായി പരിചയത്തിലാവുകയും ലൈംഗിക ഉദേശത്തോടെ പലതവണ പെൺകുട്ടിയുടെ ശരീരത്തിൽ സ്പർശിക്കുകയും ചെയ്തുവെന്നാണ് പരാതി. തുടർന്ന് പെൺകുട്ടിക്ക് അശ്ലീലചി ത്രങ്ങൾ അയച്ചു കൊടുത്തതോടെ മാതാവിന്റെ ശ്രദ്ധയിൽപ്പെടുത്തുകയും പോലീസിൽ പരാതി നൽകുകയുമായിരുന്നു. പരാതി നൽകിയ വിവരം അറിഞ്ഞയുടൻ കാസിം മുങ്ങി.
