കൊച്ചി - തിരുവനന്തപുരത്ത് മസ്തിഷ്ക മരണം സംഭവിച്ച സെല്വിന് ശേഖറിന്റെ അവയവങ്ങളുമായി ഹെലികോപ്റ്റര് കൊച്ചിയിലെത്തി. ആശുപ്രതിയില് സ്റ്റാഫ് നേഴ്സായ സെല്വിന് ശേഖറിന്റെ അവയവങ്ങളാണ് ദാനം ചെയ്യുന്നത്. സെല്വിന് ശേഖറിന്റെ ഹൃദയം കൊച്ചി ലിസി ആശുപത്രിയില് ചികിത്സയിലുള്ള 16 കാരന് ഹരി നാരായണന് നല്കും. ശസ്ത്രക്രിയക്ക് നേതൃത്വം നല്കുന്നത് ഡോ ജോസ് ചാക്കോ പെരിയപുരമാണ്. മസെല്വന് ശേഖറിന്റെ അവയവങ്ങളിലൂടെ ആറ് പേര്ക്കാണ് പുതുജീവന് നല്കുന്നത്. കൊച്ചിയിലെ ഹെലിപാടില് നിന്ന് ലിസി ആശുപത്രിയിലേക്കും ആംസ്റ്റര് മെഡിസിറ്റിയിലേക്കും റോഡ് വഴിയാണ് അവയവങ്ങള് എത്തിക്കുന്നത്. ഇതിനുള്ള ഒരുക്കങ്ങള് പൊലീസ് നടത്തിക്കഴിഞ്ഞു. ഗതാഗത നിയന്ത്രണമുള്പ്പെടെ ഏര്പ്പെടുത്തിയിട്ടുണ്ട്. സെല്വിന് ശേഖറിന്റെ ഹൃദയം കൊച്ചി ലിസി ആശുപത്രിയില് ചികിത്സയിലുള്ള 16 കാരന് ഹരി നാരായണന് നല്കും. ഒരു വൃക്കയും പാന്ക്രിയാസും ആസ്റ്റര് മെഡി സിറ്റിയില് ചികിത്സയില് ഉള്ള രോഗിക്കും മറ്റൊരു വൃക്ക കിംസ് ആശുപത്രിയിലെ രോഗിക്കും നല്കുമെന്നാണ് വിവരം. അതേസമയം, സെല്വിന്റെ കണ്ണുകള് തിരുവനന്തപുരം കണ്ണാശുപത്രിയില് ദാനം ചെയ്യും. ഹൃദയം നല്കിയ കുടുംബത്തോട് നന്ദിയെന്ന് ഹരിനാരായണന്റെ മാതാവ് പറഞ്ഞു. പ്രതീക്ഷയോടെ കാത്തിരിക്കുകയാണെന്ന് ഹരിനാരായണന്റെ പിതാവും പറഞ്ഞു. ഒരിടവേളയ്ക്ക് ശേഷമാണ് സംസ്ഥാനത്ത് ഹെലികോപ്റ്റര് വഴി അവയവദാനത്തിനുള്ള ശ്രമം നടക്കുന്നത്.
