തളിപ്പറമ്പ് - പോക്‌സോ കേസിൽ വിചാരണ തുടങ്ങിയ ദിവസം പ്രതി ജീവനൊടുക്കി. തളിപ്പറമ്പ് കോടതിക്ക് സമീപത്തെ പവിത്രം ഹൗസിൽ പി.പവിത്രകുമാർ(67)ആണ് പയ്യന്നൂരിലെ ലോഡ്ജിൽ തുങ്ങിമരിച്ചത്.13 വയയുകാരിയെ ലൈംഗികമായി പീഡിപ്പിച്ച കേസിൽ 2022 ജൂലൈ 21 നാണ് പ്രതിയെ തളിപ്പറമ്പ് പോലീസ് അറസ്റ്റ് ചെയ്തത്.
2019 മുതൽ പലതവണകളിലായി പെൺകുട്ടിയെ പീഡിപ്പിച്ചുവെന്നാണ് പരാതി. 2022 ജൂലൈ-17 ന് നടന്ന സംഭവത്തിലാണ് പോക്‌സോ കേസെടുത്തത്. ഇന്നലെ രാവിലെ വിചാരണ തുടങ്ങിയിട്ടും പ്രതി കോടതിയിൽ ഹാജരായിരുന്നില്ല. ഇതേ തുടർന്ന് കോടതി വാറണ്ട് പുറപ്പെടുവിച്ചിരുന്നു. പിന്നീട്, ഇദ്ദേഹത്തിന്റെ അഭിഭാഷകനാണ് പ്രതി ആത്മഹത്യ ചെയ്ത വിവരം കോടതി മുമ്പാകെ അറിയിച്ചത്.
