തിരുവനന്തപുരം - സാമ്പത്തിക പ്രതിസന്ധിയെന്നൊക്കെ പറയുമ്പോഴും വയറു മുറുക്കിയുടുക്കാനൊന്നും ആരും തയാറല്ല.
നവകേരള സദസ്സിനായി വാങ്ങിയ ഒരു കോടി അഞ്ച് ലക്ഷത്തിന്റെ ബസ് വിവാദം തണുക്കുന്നതിന് മുമ്പേ സ്പീക്കര്ക്കും നിയമസഭ സെക്രട്ടറിക്കും പുത്തിന് രണ്ട് ഇന്നോവ ക്രിസ്റ്റ കാറുകള്ക്ക് അനുമതിയായി. ചെലവ് 51.5 ലക്ഷം രൂപ.
സ്പീക്കര് എ.എന് ഷംസീറിനും നിയമസഭ സെക്രട്ടറി എ.എം ബഷീറിനും ഔദ്യോഗിക ആവശ്യങ്ങള്ക്കായി ഓരോ ഇന്നോവ ക്രിസ്റ്റ കാര് വീതം വാങ്ങാനാണ് നിയമസഭ സെക്രട്ടറിയേറ്റ് അനുമതി നല്കിയത്. 51,43,462 രൂപയാണ് അനുവദിച്ചത്. നവംബര് 18 ന് കര്ണാടകയിലെ ടൊയോട്ട കമ്പനിക്ക് തുക മുന്കൂറായി നല്കാനാണ് ഉത്തരവിറക്കിയത്.
