കലബുറഗി- കര്ണാടകയിലെ കലബുറഗിയില് ജ്യോതിഷിയായ സ്ത്രീയെ വെട്ടിക്കൊന്നു. കൊല്ലപ്പെടുന്നതിനു മുമ്പ് 65 കാരി ബലാത്സംഗത്തിനിരയായതായി പോലീസ് സംശയിക്കുന്നു.
കലബുറഗി നഗരത്തിലെ സന്തോഷ് കോളനിയില് ചൊവ്വാഴ്ച രാത്രി വൈകിയാണ് സംഭവം. വീട്ടില് ഇവര് തനിച്ചായിരുന്നു താമസം. മൂര്ച്ചയുള്ള ആയുധം കൊണ്ട് വെട്ടിക്കൊല്ലുകയായിരുന്നുവെന്ന് ആര്.ജെ.നഗര് പോലീസ് പറഞ്ഞു.
സംഭവത്തില് ഒന്നിലേറെ പേരുണ്ടെന്ന് പോലീസ് സംശയിക്കുന്നു. സ്ത്രീയെ നേരത്തെ അറിയാവുന്നവരാണ് രാത്രി വൈകി വീട്ടിലെത്തി കൃത്യം നടത്തിയതെന്ന് അന്വേഷണം ഊര്ജിതമാക്കിയ ആര്.ജെ.നഗര് പോലീസ് പറഞ്ഞു.
