ഗാസ- അവാര്‍ഡ് ജേതാവായ ഫലസ്തീന്‍ കവി മുസാബ് അബൂ താഹയെ ഇസ്രായില്‍ സൈന്യം പിടിച്ചുകൊണ്ടുപോയി. അദ്ദേഹം എവിടെയാണെന്ന് അറിയില്ലെന്ന് സഹോദരന്‍ പറഞ്ഞു. കഴിഞ്ഞ മാസം ഇസ്രായില്‍ ഗാസയില്‍ യുദ്ധം തുടങ്ങിയതു മുതല്‍ മുസാബ് പാശ്ചാത്യ മാധ്യമങ്ങളില്‍ കുറിപ്പുകള്‍ എഴുതുന്നുണ്ട്. തന്റെ വ്യക്തിപരമായ അനുഭവത്തിലൂടെ സിവിലിയന്‍മാര്‍ നേരിടുന്ന നാശനഷ്ടങ്ങളുടെ ഭയാനകമായ ചിത്രങ്ങള്‍ വരച്ചുകാട്ടുന്നതാണ് കുറിപ്പുകള്‍.
തെക്കന്‍ ഗാസയിലേക്ക് പലായനം ചെയ്യുന്നതിനിടെയാണ് മുസാബിനെ അറസ്റ്റ് ചെയ്തതെന്ന് അദ്ദേഹത്തിന്റെ സഹോദരന്‍ ഹംസ അബു താഹ എക്‌സില്‍ നല്‍കിയ പോസ്റ്റില്‍ പറഞഞു.
സഹോദരന്റെ ഭാര്യയെയും മക്കളെയും യാത്ര തുടരാന്‍ അനുവദിച്ചുവെന്നും എന്നാല്‍ സൈന്യം സഹോദരനെ തടഞ്ഞുവെച്ചുവെന്നും ഹംസ പറഞ്ഞു.
The Palestinian poet @MosabAbuToha lives with his wife and three children in Gaza. Over the weekend, Israeli forces reportedly detained Abu Toha in central Gaza. The New Yorker joins other organizations in calling for his safe return.https://t.co/0iNURZsRSI
— The New Yorker (@NewYorker) November 20, 2023
