ഇടുക്കി - കട്ടപ്പനയില് അപകടത്തില്പ്പെട്ടവരെ തിരിഞ്ഞു നോക്കാതെ പോലീസ്. പിക്കപ്പ് വാനിടിച്ച് ഗുരുതരമായി പരിക്കേറ്റ് റോഡില് വീണ ബൈക്ക് യാത്രക്കാരെ ആശുപത്രിയില് എത്തിക്കാന് അതുവഴി ജീപ്പിലെത്തിയ പോലീസ് സംഘം തയ്യാറായില്ല . നെടുങ്കണ്ടം സ്റ്റേഷനിലെ പോലീസുകാരാണ് വാഹനത്തിലുണ്ടായിരുന്നത്. അപകട സ്ഥലത്ത് ഓടിക്കൂടിയവരോട് ജീപ്പ് നിര്ത്തി സംഭവത്തെക്കുറിച്ച് ചോദിച്ച ശേഷം പോലീസുകാര് ജീപ്പ് ഓടിച്ചു പോകുകയായിരുന്നു. ഇതിന്റെ സിസിടിവി ദൃശ്യങ്ങള് പുറത്ത് വന്നിട്ടുണ്ട്. രാത്രിയില് കട്ടപ്പന പള്ളിക്കവലയിലാണ് സംഭവം നടന്നത്. കാഞ്ചിയാര് ചൂരക്കാട്ട് ജൂബിന് ബിജു(21), ഇരട്ടയാര് എരുമച്ചാടത്ത് അഖില് ആന്റണി(23) എന്നിവര്ക്കാണ് പരുക്കേറ്റത്. പള്ളിക്കവലയ്ക്ക് സമീപത്തെ കടയില് നിന്ന് ഭക്ഷണം കഴിച്ചശേഷം ബൈക്കില് ടൗണിലേയ്ക്ക് വരികയായിരുന്നു യുവാക്കള്. ഈ സമയം ടൗണില് നിന്നും തെറ്റായ ദിശയില് എത്തിയ പിക് അപ് വാന് ഇവരുടെ ബൈക്ക് ഇടിച്ചു തെറിപ്പിക്കുകയായിരുന്നു സംഭവത്തിന് ശേഷം പിന്നാലെ വന്ന പോലീസ് ജീപ്പ് നിര്ത്തിയെങ്കിലും പരിക്കേറ്റവരെ ആശുപത്രിയിലെത്തിക്കാന് തയ്യാറായില്ല. പിന്നീട് വന്ന ഓട്ടോയിലാണ് പരിക്കറ്റവരെ ആശുപത്രിയിലേക്ക് കൊണ്ടുപോയത്. സംഭവം സംബന്ധിച്ച് അന്വേഷണം നടത്തി അടുത്ത ദിവസം ജില്ല പോലീസ് മേധാവിക്ക് റിപ്പോട്ട് സമപ്പിക്കുമെന്ന് കട്ടപ്പന ഡി വൈ എസ് പി അറിയിച്ചു
