കൽപ്പറ്റ - വയനാട്ടിലേക്ക് ടൂറിസ്റ്റുകളുമായി എത്തിയ ഡ്രൈവറെ വാഹനത്തിനുള്ളിൽ മരിച്ച നിലയിൽ കണ്ടെത്തി. മേപ്പാടി തൊള്ളായിരം കണ്ടിയിലാണ് ഡ്രൈവറെ ട്രാവലറിനുള്ളിൽ മരിച്ച നിലയിൽ കണ്ടെത്തിയത്.
പൊള്ളാച്ചിയിൽ നിന്ന് വിനോദസഞ്ചാരികളുമായി എത്തിയ വാഹനത്തിലെ ഡ്രൈവർ ബാലകൃഷ്ണ(45)നെയാണ് മരിച്ചനിലയിൽ കണ്ടെത്തിയത്. മീനാക്ഷി പാർക്കിംഗ് കേന്ദ്രത്തിൽ ട്രാവലറിനുള്ളിൽ സീറ്റിൽ ഇരിക്കുന്ന നിലയിലാണ് മൃതദേഹം കണ്ടെത്തിയത്. മൃതദേഹം മേപ്പാടിയിലെ സ്വകാര്യ മെഡിക്കൽ കോളേജിലേക്ക് മാറ്റിയതായി പോലീസ് പറഞ്ഞു. മരണ കാരണം വ്യക്തമല്ല. ഹൃദയാഘാതമാണോ എന്ന് സംശയമുണ്ട്. പോസ്റ്റ്‌മോർട്ടത്തിന് ശേഷമേ വ്യക്തത ലഭിക്കൂവെന്ന് പോലീസ് പറഞ്ഞു.
