തിരുവനന്തപുരം - കളമശ്ശേരിയില് ഒക്ടോബര് 29ന് യഹോവ സാക്ഷികളുടെ പ്രാര്ത്ഥനാ ഹാളില് നടന്ന സ്ഫോടനത്തില് മരണപ്പെട്ടവരുടെ കുടുംബങ്ങള്ക്ക് മുഖ്യമന്ത്രിയുടെ ദുരിതാശ്വാസ നിധിയില് നിന്ന് 5 ലക്ഷം രൂപ വീതം ധനസഹായം അനുവദിക്കാന് മന്ത്രിസഭായോഗം തീരുമാനിച്ചു. സ്വകാര്യ ആശുപത്രികളില് ഉള്പ്പെടെ ചികിത്സയിലുള്ളവരുടെ ചികിത്സാ ചെലവും അനുവദിക്കും. കളമശ്ശേരി സ്ഫോടന കേസില് പ്രതി ഡൊമിനിക് മാര്ട്ടിന്റെ കസ്റ്റഡി കാലാവധി ഇന്ന് അവസാനിച്ചു. പ്രതിയെ എറണാകുളം പ്രിന്സിപ്പല് സെഷന്സ് കോടതിയില് ഹാജരാക്കി.. തെളിവെടുപ്പും ചോദ്യം ചെയ്യലും പൂര്ത്തിയായ സാഹചര്യത്തില് പ്രതിയെ വീണ്ടും കസ്റ്റഡിയില് ആവശ്യപ്പെട്ടില്ല. തനിക്ക് അഭിഭാഷകന് വേണ്ടെന്ന് മാര്ട്ടിന് കോടതിയില് പറഞ്ഞു. തുടര്ന്ന് പ്രതിയെ റിമാന്ഡ് ചെയ്തു.
