ആലുവ - ആലുവയില് അഞ്ച് വയസുകാരിയെ പീഡിപ്പിച്ച് കൊലപ്പെടുത്തിയ കേസില് പ്രതി അസ്ഫാക് ആലത്തിന് കോടതി വധശിക്ഷ വിധിച്ചു. ഇതര സംസ്ഥാന തൊഴിലാളി കുടുംബത്തിലെ അഞ്ച് വയസുകാരി പെണ്കുട്ടിയെ തട്ടിക്കൊണ്ടുപോയി മദ്യം നല്കി മയക്കി ലൈംഗികമായി പീഡിപ്പിച്ച ശേഷം കൊലപ്പെടുത്തി, പിന്നീട് മൃതദേഹം ആലുവ മാര്ക്കറ്റില് ഉപേക്ഷിക്കുകയായിരുന്നു. പ്രതിക്കെതിരെ ചുമത്തിയ എല്ലാ കുറ്റവും അതിവേഗ പോക്സോ കോടതിയിലെ വിചാരണയില് തെളിഞ്ഞിരുന്നു. പ്രതി മുന്പും സമാന കുറ്റകൃത്യം നടത്തിയത് കൂടി കണക്കിലെടുത്താണ് മാപ്പര്ഹിക്കാത്ത കുറ്റമെന്ന് വിലയിരുത്തി കോടതി ശിക്ഷ വിധിച്ചത്. പ്രതിക്ക് യാതൊരു മാനസാന്തരവും സംഭവത്തിന് ശേഷം ഉണ്ടായില്ലെന്ന പോലീസ് റിപ്പോര്ട്ടും വധശിക്ഷ വിധിക്കാന് കോടതി ആശ്രയിച്ചു.