തിരുവനന്തപുരം - എല്ലാ വര്ഷവും വൈദ്യുതി നിരക്ക് കൂടുമെന്നും നിരക്ക് വര്ധനയല്ലാതെ മറ്റ് മാര്ഗങ്ങളില്ലെന്നും വൈദ്യുതി വകുപ്പ് മന്ത്രി കെ കൃഷ്ണന്കുട്ടി. ജനങ്ങള് ഇതിനായി തയ്യാറാവണമെന്നും മന്ത്രി പറഞ്ഞു. റഗുലേറ്ററി കമ്മീഷന് നിശ്ചയിക്കുന്ന രീതിയില് മുന്നോട്ട് പോകാനെ നിര്വാഹമുള്ളൂവെന്നും മന്ത്രി കൂട്ടിച്ചേര്ത്തു. സംസ്ഥാനത്ത് ഇന്നലെയാണ് വൈദ്യുതി നിരക്ക് കൂട്ടിയത്. യൂണിറ്റിന് ശരാശരി 20 പൈസ വരെയാണ് കൂട്ടിയത്. പ്രതിമാസം 40 യൂണിറ്റില് താഴെയുള്ളവര്ക്ക് നിരക്ക് വര്ധന ബാധകമല്ല. 100 യൂണിറ്റ് ഉപയോഗിക്കുന്നവര്ക്ക് 20 ശതമാനം നിരക്ക് വര്ധനയുണ്ടാകും. വൈദ്യുതി വര്ധിപ്പിച്ചതിന് പിന്നാലെ അടുത്ത വെള്ളക്കരവും കൂട്ടുന്ന കാര്യം സര്ക്കാര് ആലോചിക്കുന്നുണ്ട്.
