ഗാസ- ഗാസ മുനമ്പിലെ ആശുപത്രികള്‍ക്ക് ഇനി പുതിയ രോഗികളെ സ്വീകരിക്കാന്‍ കഴിയില്ലെന്ന് ഫലസ്തീന്‍ അതോറിറ്റിയുടെ (പിഎ) ആരോഗ്യ മന്ത്രി ഡോ.മേ അല്‍ കൈല പറഞ്ഞു.
-ഇസ്രായേലി വ്യോമാക്രമണം മൂലമോ ഇന്ധനക്ഷാമം മൂലമോ നിലവില്‍ 12 ആശുപത്രികള്‍ പ്രവര്‍ത്തിക്കുന്നില്ല.
-തിരക്ക് കാരണം ശേഷിക്കുന്ന ആശുപത്രികള്‍ക്ക് ഇനി ഒരു രോഗിയെയും സ്വീകരിക്കാന്‍ കഴിയില്ല. പരിക്കേറ്റവരെ ചികിത്സിക്കാന്‍ തറകളും ഇടനാഴികളും പോലും ഉപയോഗിക്കുന്നു.
-അല്‍ഷിഫ ഹോസ്പിറ്റല്‍ മാത്രം കുടിയിറക്കപ്പെട്ട 50,000 പേര്‍ക്ക് അഭയം നല്‍കുന്നു.
-വെളിച്ചത്തിനായി മൊബൈല്‍ ഫോണ്‍ ഉപയോഗിച്ച് ആശുപത്രികളില്‍ ഡോക്ടര്‍മാര്‍ പ്രവര്‍ത്തിക്കുന്നു.
-ആരോഗ്യ സംവിധാനത്തിന്റെ തകര്‍ച്ച അര്‍ത്ഥമാക്കുന്നത് കാന്‍സര്‍, ഡയാലിസിസ് രോഗികള്‍ക്ക് ചികിത്സ ലഭിക്കില്ല എന്നാണ്.
-ഒക്‌ടോബര്‍ 7 മുതല്‍ നഴ്‌സുമാരും ഡോക്ടര്‍മാരും ഉള്‍പ്പെടെ 65 മെഡിക്കല്‍ സ്റ്റാഫുകളെങ്കിലും കൊല്ലപ്പെട്ടിട്ടുണ്ട്.
