ഗാസ- ഗാസയിലേക്ക് പ്രവേശിക്കാന്‍ മാര്‍ഗം വേണമെന്ന് യു.എന്‍ പ്രതിനിധി. ഇസ്രായിലിന്റെ ബോംബാക്രമണവും ഉപരോധവും തുടരുമ്പോള്‍ ഗാസ മുനമ്പിലേക്ക് പ്രവേശനത്തിന് മാര്‍ഗമുണ്ടാക്കണമെന്ന് ഐക്യരാഷ്ട്രസഭയിലെ പലസ്തീന്‍ പ്രതിനിധി റിയാദ് മന്‍സൂര്‍ പറഞ്ഞു.
വൈദ്യസഹായവും മാനുഷിക സഹായവും നല്‍കുന്നതിന് ഇത് ആവശ്യമാണ്. നമ്മുടെ സിവിലിയന്‍ ജനതയ്‌ക്കെതിരായ സാഹചര്യം അങ്ങേയറ്റം ഭയാനകമാണ്. സങ്കല്‍പ്പിക്കാവുന്നതിലും അപ്പുറമാണ് നാശം- അദ്ദേഹം കൂട്ടിച്ചേര്‍ത്തു.
