ന്യൂദല്‍ഹി- ബംഗ്ലാദേശികളും റോഹിംഗ്യന്‍ മുസ്‌ലിംകളും ഇന്ത്യക്ക് ആപത്താണെന്നും ഇവര്‍ സ്വമേധയാ രാജ്യത്തുനിന്ന് മടങ്ങിപ്പോയില്ലെങ്കില്‍ വെടിവെച്ചിടണമെന്നും ബി.ജെ.പി എം.എല്‍.എ ടി. രാജാ സിംഗ്. അസമിലെ ദേശീയ പൗരത്വ രജിസ്‌ട്രേഷന്റെ അന്തിമ കരടു പട്ടികയുമായി ബന്ധപ്പെട്ട വിവാദങ്ങളില്‍ പ്രതികരിക്കുകയായിരുന്നു അദ്ദേഹം.
ഇവര്‍ വിദേശികളാണ്. ഇത്തരം കീടങ്ങളെ രാജ്യത്തു നിലനിര്‍ത്തേണ്ട ആവശ്യമില്ല. ഇവരെ രാജ്യത്തുനിന്ന് ദൂരേക്ക് അയക്കണമെന്ന് കേന്ദ്രത്തോട് അഭ്യര്‍ഥിക്കുകയാണ്. ഇതിനു കഴിയുന്നില്ലെങ്കില്‍ അപകടകാരികളായ കുടിയേറ്റക്കാരെ വെടിവെച്ചുകൊല്ലുന്ന മറ്റുരാജ്യങ്ങളെപ്പോലെ ഇന്ത്യയും പെരുമാറണം. ബംഗ്ലാദേശികളും റോഹിംഗ്യകളും ഇന്ത്യയില്‍ സമാധാനത്തോടെ ജീവിക്കില്ല. ഇവരെയെല്ലാം വെടിവച്ചുകൊല്ലണമെന്നും രാജാ സിംഗ് ആവശ്യപ്പെട്ടു.
