തിരുവനന്തപുരം - പാറശാലയില് കാമുകനായിരുന്ന ഷാരോണിനെ കഷായത്തില് വിഷം കലര്ത്തി കൊന്ന കേസിലെ മുഖ്യപ്രതി ഗ്രീഷ്മക്ക് ഹൈക്കോടതി ജാമ്യം അനുവദിച്ചു. ഉപാധികളോടെയാണ് ജാമ്യം . കഴിഞ്ഞ ഒക്ടോബര് 31 നാണ് ഷാരോണിനെ കൊലപ്പെടുത്തിയ കേസില് ഗ്രീഷ്മയെ നെടുമങ്ങാട് പോലീസ് അറസ്റ്റ് ചെയ്തത്. കേസിലെ കൂട്ട് പ്രതിയായ അമ്മയ്ക്കും അമ്മാവനും കോടതി നേരത്തെ ജാമ്യം നല്കിയിരുന്നു.
അപേക്ഷ കീഴ്ക്കോടതി തള്ളിയതിനെ തുടര്ന്നാണ് പ്രതികള് ഹൈക്കോടതിയെ സമീപിച്ചത്. കുറ്റകൃത്യം നടന്നത് കേരളത്തിലെ കോടതിയുടെ പരിധിയിലല്ലെന്നും വിചാരണ നടത്താനുള്ള അധികാരം തമിഴ്നാട്ടിലെ കോടതിക്കാണെന്നും ചൂണ്ടിക്കാട്ടി ഗ്രീഷ്മയും കൂട്ടുപ്രതികളായ ഗ്രീഷ്മയുടെ അമ്മ സിന്ധു, അമ്മാവന് നിര്മല് കുമാരന് എന്നിവര് ഹൈക്കോടതിയില് ഹര്ജി സമര്പ്പിച്ചിട്ടുണ്ട്.
