തിരുവനന്തപുരം - സംസ്ഥാന സര്ക്കാറിന്റെ തിരുവോണം ബംമ്പര് നറുക്കെടുപ്പില് ഒന്നാം സമ്മാനമായ 25 കോടി കോഴിക്കോട്ടെ ഏജന്സി വാളയാറില് വിറ്റ ടിക്കറ്റിന് . കോഴിക്കോട് പാളയത്തെ ബാവ ലോട്ടറി ഏജന്സി വിറ്റ TE 230662 എന്ന നമ്പറിനാണ് ഒന്നാം സമ്മാനം. തിരുവനന്തപുരം ബേക്കറി ജംങ്ഷനിലുള്ള ഗോര്ഖി ഭവനില് വച്ച് 2 മണിയോടെയാണ് നറുക്കെടുപ്പ് നടന്നത്. കേരള ലോട്ടറി ചരിത്രത്തിലെ ഏറ്റവും വലിയ സമ്മാനത്തുക ആയ 25 കോടിയാണ് ഒന്നാം സമ്മാനം. രണ്ടാം സമ്മാനം ഒരു കോടി രൂപ വീതം 20 പേര്ക്ക് ആകും ഇത്തവണ നല്കുക. കഴിഞ്ഞവര്ഷം ഇത് അഞ്ചുകോടി രൂപയുടെ ഒറ്റസമ്മാനം ആയിരുന്നു. മൂന്നാം സമ്മാനം 50 ലക്ഷം വീതം 20 പേര്ക്ക് കിട്ടും. അഞ്ച് ലക്ഷം വീതം പത്തുപേര്ക്കാണ് നാലാം സമ്മാനം. രണ്ടുലക്ഷം വീതം 10 പേര്ക്ക് അഞ്ചാം സമ്മാനം ലഭിക്കും.
