മുംബൈ- വിശാഖപട്ടണത്ത് നിന്ന് മുംബൈയിലെത്തിയ വിമാനം റണ്‍വേയില്‍നിന്ന് തെന്നിമാറി പിളര്‍ന്നതിനെ തുടര്‍ന്ന് മുംബൈ വിമാനത്താവളത്തില്‍ ഇറങ്ങേണ്ട ഏതാനും വിമാനങ്ങളെ വഴിതിരിച്ചുവിട്ടു. വിഎസ്ആര്‍ വെഞ്ചേഴ്‌സ് ലിയര്‍ജെറ്റ് 45 വിമാനമാണ് മുംബൈ വിമാനത്താവളത്തിലെ റണ്‍വേ 27ല്‍ ഇറങ്ങുന്നതിനിടെ തെന്നിമാറി തകര്‍ന്നത്.
രണ്ട് വിസ്താര വിമാനങ്ങളും ഒരു ആകാശ എയര്‍ലൈന്‍സ് വിമാനവും ബാംഗ്ലൂര്‍ വിമാനത്താവളത്തിലേക്ക് തിരിച്ചുവിട്ടതായി അധികൃതര്‍ അറിയിച്ചു. ദുബായില്‍ നിന്ന് വരികയായിരുന്ന എയര്‍ ഇന്ത്യ വിമാനം അഹമ്മദാബാദിലേക്ക് തിരിച്ചുവിട്ടു. ഡെറാഡൂണില്‍ നിന്ന് മുംബൈയിലേക്കുള്ള വിസ്താര വിമാനം (ഡിഇഡിബിഒഎം) ഗോവ വിമാനത്താവളത്തിലേക്ക് തിരിച്ചുവിട്ടു. സൂറത്ത് വിമാനത്താവളത്തില്‍ ആകെ 5 വിമാനങ്ങള്‍ ഇറങ്ങിയിട്ടുണ്ട്.
വിമാനം റണ്‍വേയില്‍ നിന്ന് തെന്നിമാറിയ വിമാനത്തില്‍ 6 യാത്രക്കാരും രണ്ട് ജീവനക്കാരും ഉണ്ടായിരുന്നെങ്കിലും ആളപായമൊന്നും റിപ്പോര്‍ട്ട് ചെയ്തിട്ടില്ലെന്ന് ഡിജിസിഎ അറിയിച്ചു.
മൂന്ന് പേര്‍ക്ക് പരിക്കേറ്റതായും ആശുപത്രിയില്‍ പ്രവേശിപ്പിച്ചതായും അധികൃതര്‍ പറഞ്ഞു.
കൂടുതല് വായിക്കുക
ഈ വിഭാഗത്തിൽ പോസ്റ്റ് ചെയ്ത അനുബന്ധ ലേഖനങ്ങൾ അടങ്ങിയിരിക്കുന്നു (Related Nodes field)
