പട്ന- ഇന്ത്യ മുന്നണിയെ ബി. ജെ. പി ഭയപ്പെടുന്നുണ്ടെന്ന് ബിഹാര് മുഖ്യമന്ത്രി നിതീഷ് കുമാര്. പ്രതിപക്ഷ ഐക്യത്തെ തുടര്ന്ന് ബി. ജെ. പി അങ്കലാപ്പിലാണെന്നും അദ്ദേഹം പറഞ്ഞു.
സീറ്റ് വിഭജനം സംബന്ധിച്ച കാര്യങ്ങളില് വൈകാതെ തീരുമാനമുണ്ടാകും. മാത്രമല്ല ഗാന്ധി ജയന്തി ദിനത്തില് രാജ്യവ്യാപകമായി പരിപാടികള് സംഘടിപ്പിക്കുമെന്നും നിതീഷ് കുമാര് പറഞ്ഞു.
അടിയന്തരമായി പ്രത്യേക പാര്ലമെന്റ് സമ്മേളനം വിളിച്ചു കൂട്ടാനുള്ള തീരുമാനം ലോക്സഭാ തെരഞ്ഞെടുപ്പ് നേരത്തെയാകാമെന്ന അഭ്യൂഹങ്ങള് ശരിവെയ്ക്കുന്നതാണ്. പത്തു വര്ഷത്തിലൊരിക്കല് നടത്തേണ്ട സെന്സസ് പോലും കൃത്യമായി നടത്താന് സാധിക്കാത്ത സര്ക്കാരാണ് കേന്ദ്രത്തിലുള്ളത്. ഒരു രാജ്യം ഒരു തെരഞ്ഞെടുപ്പ് വിഷയത്തില് കേന്ദ്ര സര്ക്കാര് നിര്ദേശം കിട്ടിയ ശേഷം പ്രതിപക്ഷം ചര്ച്ച ചെയ്യുമെന്നും അദ്ദേഹം വ്യക്തമാക്കി.
