പാലക്കാട് - പാലക്കാട് റെയില്വേ സ്റ്റേഷനില് ട്രെയിനില് നിന്ന് ബിസ്ക്കറ്റ് രൂപത്തിലാക്കിയ കഞ്ചാവ് പിടികൂടി. ബിസ്ക്കറ്റിന്റെ കവറിലാക്കി എളുപ്പത്തില് തിരിച്ചറിയാന് കഴിയാത്ത ബാഗില് സൂക്ഷിച്ച നിലയിലായിരുന്നു കഞ്ചാവ് കടത്താന് ശ്രമിച്ചത്. ധന്ബാദ് - ആലപ്പുഴ എക്പ്രസ് ട്രെയിനില് ഉപേക്ഷിച്ച നിലയില് കണ്ടെത്തിയ ബാഗിലാണ് കഞ്ചാവ് ഉണ്ടായിരുന്നത്. കേരളത്തിലാദ്യമായാണ് ബിസ്ക്കറ്റ് രൂപത്തിലാക്കി കടത്താന് ശ്രമിച്ച കഞ്ചാവ് പിടികൂടുന്നത്. മാരിലൈറ്റിന്റെ ബിസ്കറ്റ് പാക്കറ്റില് ബിസ്ക്കറ്റിന്റെ അതെ രൂപത്തിലായിരുന്നു കഞ്ചാവ് ഒളിപ്പിച്ചത് .6 ബിസ്കറ്റ് പാക്കറ്റുകളിലായി 22 കവറുകളിലാണ് കഞ്ചാവ് ഉണ്ടായിരുന്നത്.
