ജിദ്ദ - വടക്കു കിഴക്കൻ ജിദ്ദയിലെ അസ്ഫാൻ റോഡിൽ ശക്തമായ കാറ്റിലും മഴയിലും വൈദ്യുതി പോസ്റ്റുകൾ നിലംപതിച്ചു. ഇതിന്റെ ദൃശ്യങ്ങൾ അടങ്ങിയ വീഡിയോ സാമൂഹികമാധ്യമ ഉപയോക്താക്കൾ പങ്കുവെച്ചു. തിങ്കളാഴ്ച ജിദ്ദയിൽ ശക്തമായ പൊടിക്കാറ്റും അനുഭവപ്പെട്ടിരുന്നു.
മക്കയിലും തിങ്കളാഴ്ച മഴ പെയ്തിരുന്നു. വിശുദ്ധ ഹറമിൽ മഴക്കിടെ തീർഥാടകർ ഉംറ കർമം നിർവഹിക്കുന്നതിന്റെ ദൃശ്യങ്ങൾ അടങ്ങിയ വീഡിയോ ദൃക്‌സാക്ഷികൾ ചിത്രീകരിച്ച് സാമൂഹികമാധ്യമങ്ങളിലൂടെ പുറത്തുവിട്ടു.
