ന്യൂദൽഹി- ഹാനികരവും ഫലപ്രദമല്ലാത്തതുമായ ക്യാൻസർ ചികിത്സകളെ പ്രോത്സാഹിപ്പിക്കുന്ന ഉള്ളടക്കം നീക്കം ചെയ്യുമെന്ന് ഗൂഗിൾ ഉടമസ്ഥതയിലുള്ള യുട്യൂബ് അറിയിച്ചു. പ്രൊഫഷണൽ മെഡിക്കൽ ചികിത്സ തേടുന്നതിൽ നിന്ന് കാഴ്ചക്കാരെ നിരുത്സാഹപ്പെടുത്തുന്ന ഉള്ളടക്കം നീക്കം ചെയ്യുമെന്നാണ് യുട്യൂബ് വ്യക്തമാക്കിയത്.
നിലവിലുള്ള ഡസൻ കണക്കിന് തെറ്റായ മെഡിക്കൽ മാർഗ്ഗനിർദ്ദേശങ്ങളെ പ്രതിരോധം, ചികിത്സ, നിഷേധം എന്നിങ്ങനെ മൂന്ന് വിഭാഗങ്ങളിൽ ഉൾപ്പെടുത്തിയാണ് നീക്കം ചെയ്യുകയെന്ന് കമ്പനി അറിയിച്ചു.
പ്രാദേശിക ആരോഗ്യ അധികൃതരുടേയും ലോകാരോഗ്യ സംഘടനയുടേയും നിർദേശങ്ങൾക്ക് വിരുദ്ധമായ ഉള്ളടക്കമുള്ള പ്രത്യേക ആരോഗ്യ സാഹചര്യങ്ങൾ, ചികിത്സകൾ, പദാർത്ഥങ്ങൾ എന്നിവക്ക് പുതിയ നയങ്ങൾ ബാധകമാകുമെന്ന് ഹെൽത്ത് കെയർ ആൻഡ് പബ്ലിക് ഹെൽത്ത് പാർട്ണർഷിപ്പുകളുടെ ഡയറക്ടറും ആഗോള മേധാവിയുമായ ഡോ. ഗാർത്ത് ഗ്രഹാം പറഞ്ഞു. നിർദ്ദിഷ്ട ആരോഗ്യ സാഹചര്യങ്ങൾ തടയുന്നതിനും പകരുന്നതിനും, അംഗീകൃത വാക്സിനുകളുടെ സുരക്ഷയും ഫലപ്രാപ്തിയും സംബന്ധിച്ച ആരോഗ്യ അതോറിറ്റിയുടെ മാർഗ്ഗനിർദ്ദേശത്തിന് വിരുദ്ധമായ ഉള്ളടക്കമാണ് കണ്ടെത്തുക.
ക്യാൻസറിനുള്ള ചികിത്സയായി സീസിയം ക്ലോറൈഡ് പ്രോത്സാഹിപ്പിക്കുന്നത് പോലെയുള്ളതും പ്രത്യേക അവസ്ഥകൾക്ക് വൈദ്യസഹായം തേടുന്നതിന് പകരം തെളിയിക്കപ്പെടാത്ത പ്രതിവിധി പ്രോത്സാഹിപ്പിക്കുന്നതുമായ ഉള്ളടക്കവും രോഗ പ്രതിരോധത്തിന് ഹാനികരമായ പദാർത്ഥത്തെ പ്രോത്സാഹിപ്പിക്കുന്ന ഉള്ളടക്കവും ഇതിൽ ഉൾപ്പെടുന്നു.
