ന്യൂദല്ഹി - രാജ്യത്തിന്റെ 77ാം സ്വാതന്ത്ര്യ ദിനാഘോഷങ്ങള്ക്ക് തുടക്കം കുറിച്ച് ചെങ്കോട്ടയില് പ്രധാന മന്ത്രി ദേശീയ പതാക ഉയര്ത്തി. രാജ്ഘട്ടില് പുഷ്പാര്ച്ചന നടത്തിയ ശേഷം ചെങ്കോട്ടയിലെത്തിയ പ്രധാനമന്ത്രി ഗാര്ഡ് ഓഫ് ഓണര് സ്വീകരിച്ചു. തുടര്ന്ന് പ്രധാനമന്ത്രി പതാക ഉയര്ത്തിയതോടെ ആഘോഷ പരിപാടികള്ക്ക് തുടക്കമായി. 1800ഓളം ക്ഷണിക്കപ്പെട്ട അതിഥികളാണ് സ്വാതന്ത്ര്യദിനാഘോഷങ്ങളില് പങ്കെടുക്കുന്നത്. 50ഓളം നഴ്സുമാരേയും അവരുടെ കുടുംബാംഗങ്ങളേയും അതിഥികളായി ക്ഷണിച്ചിട്ടുണ്ട്. ചെങ്കോട്ടയിലെത്തിയ പ്രധാനമന്ത്രിയെ പ്രതിരോധമന്ത്രി രാജ്നാഥ് സിങാണ് സ്വീകരിച്ചത്. സൈനിക മേധാവികളും പ്രധാനമന്ത്രിയെ വരവേല്ക്കാന് എത്തിയിരുന്നു.
