ജിദ്ദ- ഇന്ത്യൻ സ്വാതന്ത്ര്യദിന ആഘോഷ പരിപാടികളുടെ ഭാഗമായി പ്രവാസി വെൽഫെയർ വെസ്‌റ്റേൺ പ്രൊവിൻസ് പൊതുജനങ്ങൾക്കായി വിവിധ മത്സരങ്ങൾ സംഘടിപ്പിക്കുന്നു. 'വൈവിധ്യങ്ങളുടെ ഇന്ത്യ' എന്ന പേരിൽ സംഘടിപ്പിച്ചിരിക്കുന്ന മത്സരങ്ങളിൽ സൗദിയുടെ പടിഞ്ഞാറൻ മേഖലകളായ ജിദ്ദ, മക്ക, മദീന, തബൂക്ക്, യാംബു, അസീർ, ത്വാഇഫ് എന്നിവിടങ്ങളിൽ നിന്നുള്ള ഇന്ത്യൻ പ്രവാസികൾക്ക് പങ്കെടുക്കാമെന്ന് ഭാരവാഹികൾ അറിയിച്ചു. വിഷയത്തെ സംബന്ധിച്ച കഥ, കവിത, ലേഖനം എന്നിങ്ങനെ രചനകളും മൂന്ന് മിനിറ്റിൽ കൂടാത്ത വാട്‌സാപ്പ് പ്രസംഗവും റീൽസ് മേക്കിങ്ങുമാണ് മത്സരങ്ങൾ. https://forms.gle/bHh1awnN6FTocLjM7 എന്ന ഗൂഗിൾ ഫോം വഴി രജിസ്‌ട്രേഷൻ നടപടികൾ പൂർത്തിയാക്കി തങ്ങളുടെ എൻട്രികൾ 0568342617 എന്ന നമ്പറിലേക്ക് വാട്!സ്ആപ്പ് ആയാണ് അയക്കേണ്ടത്. എൻട്രികൾ സ്വീകരിക്കുന്ന അവസാന തീയതി ഈ മാസം 15 ആയിരിക്കുമെന്നും മത്സര വിജയികൾക്ക് ആകർഷകമായ സമ്മാനങ്ങൾ ഉണ്ടായിരിക്കുമെന്നും ഭാരവാഹികൾ അറിയിച്ചു.
