ബെംഗളൂരു - കറുത്ത നിറത്തിന്റെ പേരില് ഭര്ത്താവിനെ കറുമ്പന് എന്ന് വിളിച്ച് നിരന്തരം അപമാനിക്കുന്നത് ക്രൂരതയാണെന്ന് കര്ണാടക ഹൈക്കോടതി. തന്റെ നിറം കറുത്തതാണെന്ന് പറഞ്ഞ് ഭാര്യ തന്നെ അപമാനിക്കുമായിരുന്നുവെന്ന് ഭര്ത്താവ് കോടതിയില് നല്കിയ ഹര്ജിയില് പറയുന്നു. കുഞ്ഞിനെ കരുതി ഈ അപമാനം സഹിക്കുകയായിരുന്നുവെന്നും ഇദ്ദേഹം പറഞ്ഞു. വിവാഹ മോചനകേസ് സംബന്ധിച്ച വിധിയിലാണ് കോടതിയുടെ നിരീക്ഷണം. ഭര്ത്താവില് നിന്ന് വിവാഹമോചനം ലഭിക്കാന് ഭാര്യ നല്കിയ ഹര്ജിയില് ഇയാള്ക്കെതിരെ വ്യാജ ആരോപണങ്ങളും ഉന്നയിച്ചിരുന്നതായും കോടതി കണ്ടെത്തി. 2007 നവംബര് 15നാണ് ദമ്പതികള് വിവാഹിതരായത്. ഇവര്ക്ക് ഒരു മകളുമുണ്ട്. 2012ലാണ് വിവാഹമോചനം ആവശ്യപ്പെട്ട് ഭാര്യ കോടതിയെ സമീപിച്ചത്.
